ایران خاریجی ایشلر ناظرلیینین سؤزچوسو اسماعیل بقایی بو گون کئچیردیی بریفینگده ژورنالیستین اونا عنوانلادیغی "اسرائیل درون آتماق اوچون آذربایجان تورپاغیندان استفاده ائدیبمی؟" سوالینا جواب وئریب.

Axar.az خبر وئریر کی، معلوماتی ایران مطبوعاتی یاییب.

"استثناسیز اولاراق بوتون قونشو اؤلکه‌لر بیزی امین ائتدیلر کی، "صهیونیست رژیمین" ایرانا قارشی هجوملاری اوچون اؤز مکان و اراضیلریندن سوءاستفاده ائتمه‌سینه امکان وئرمه‌یه‌جکلر. من بورادا قطیعتله بیلدیریرم کی، قالدیردیغیمیز بوتون مسئله‌لر موافق دولتلر طرفیندن آچیق و قطعی شکیلده رد ائدیلیب"، - دئیه ایران خارجی ایشلر ناظیرلییینین رسمی‌سی بیلدیریب.

اونون سؤزلرینه گؤره، قونشو اؤلکه‌لر تهرانی گله‌جکده اؤز اراضیلریندن ایرانا هجوم اولمادیغینا امین ائدیبلر. بقایی قید ائدیب کی، ایران سلاحلی قوه‌لری، تهلوکه‌سیزلیک و حربی قوروملار هر بیر حادثه‌نی مطلق دقتله ایزله‌یه‌جک و معلوماتلار پایلاشاجاق.