شرقی آذربایجان ایالتینین کلیبر شهرینده میللی فعاللار بابک محسن‌زاده و بهزاد دشتی بیر نئچه ساعتلیغینا حبس ائدیلیب.

Axar.az خبر وئریر کی، بو حاقدا اونلارین یاخینلاری معلومات یاییب.

معلوماتا گؤره، ایونون ۴-ده پلیس و تهلوکه‌سیزلیک اداره‌سینین امکداشلاری بابک قالاسینا گئدن فعاللاری ساخلاییب، اونلارین آوتوموبیلینده آختاریش آپاریب و اونلارا مخصوص شخصی اشیالاری، سندلری مصادره ائدیب.

کلیبر شهرینین پلیس اداره‌سینه آپاریلان فعاللار، اورادان تهلوکه‌سیزلیک اداره‌سینه کؤچورولوب و بیر نئچه ساعت دیندیریلدیکدن سونرا سربست بوراخیلیبلار.

مأمورلارین بابک محسن‌زاده و بهزاد دشتی‌دن بوندان سونرا بابک قالاسینا گئتمه‌یه‌جکلری باره‌ده یازی‌لی ایلتیزام آلماق اوچون اونلارا تضییق گؤستردیکلری بیلدیریلیب.

قید ائدک کی، آدی چکیلن فعاللار بوندان اول ده دینج مدنی فعالیتلرینه گؤره ساخلانیلیبلار.