مسعود پزشکیانین خانکندین‌ده صمیمی مناسبتینه غضبلنه‌ن بعضی انسانلار ایللرله احتیاط‌سیزلیق و تدبیرسیزلیک ائد‌رک اسرائیلین آراز ساحلینه قدر سیزماسینا یول آچدیلار.

Axar.az خبر وئریر کی، بونو ایرانین امک ناظرینین معاوینی رضا کهولی اؤزونون ایکس صحیفه‌سینده یازیب.

"ملی تهلوکه‌سیزلیک غضبله الده ائدیلمز! اونون تعمین اولونماسی اوچون فعال و عقل‌لی دیپلماتییا لازیم‌دیر"،- ناظر معاوینی علاوه ائدیب.

قید ائدک کی، ایران پرزیدنتی مسعود پزشکیانین خانکندییه سفری و الهام علیئوله صمیمی گؤروشوندن یاییلان گؤرونتولردن سونرا، ایرانین بعضی مئدیا اورگانلاری تنقیدی ماتریاللار درج ائدیبلر.

اونلار آذربایجان رسپوبلیکاسینین اسرائیلله امکداشلیغی باره‌ده کهنه ادعالاری تکرار ائدیب، پزشکیانین علیئوله صمیمی مناسبتینی قیناییبلار.

خصوصاً خانکندیده الهام علیئوین اؤلکه باشچیلارینین توپلاشدیغی زالا داخیل اولدوغو زمان مسعود پزشکیاین حرمت علامتی اولاراق آیاغا قالخماسی ایران پرزیدنتینین سیاسی رقیبلرینین غضبینه سبب اولوب.