۸۰۰ سیاسی و وطنداش جمعیتی فعالی ایرانین کئچمیش باش ناظری و اصلاحاتچی "یاشیل حرکاتین" ائو حبسین‌ده اولان رهبری میر حسین موسوینین اؤلکه‌ده رفرندوم پلانینی دستکله‌ییب.

Axar.az خبر وئریر کی، بو باره‌ده مصطفی تاج‌زاده، مهدی محمودیان، ابولفضل قدیانی و ب. تانینمیش فعاللارین امضالادیقلاری بیانات‌دا بیلدیریلیب.

"اسلام رسپوبلیکاسی حبسخانالارینین داخیلینده و یا خاریجینده دایم انسانلارین آغری و اضطرابلارینین شاهدی اولموشوق. میر حسین موسوینین ایران خالقینین اؤز مقددراتینی تعیین ائتمک حقوقونا حرمت ائدیلمه‌سینین واجیب‌لییی و اؤلکه‌نین سیاسی استروکتورونون اساس‌لی شکیلده یئنی‌دن نظردن کئچیریلمه‌سینین ضروریلیینه وورغو ائتمه‌سی، ایرانی اؤلومجول تاریخی سهولری تکرارلاماقدان خلاص ائتمک اوچوندور"،- بیاناتدا یازیلیب.

بیاناتین دوامین‌دا بوتون ایران‌لیلار اوچون آزاد رفرندومون کئچیریلمه‌سی وورغولاناراق، قید اولونوب کی، موجود کریتیک وضعیت‌دن چیخماق اوچون ایلک و ضروری آددیم یئنی کونستیتوسیا لاییحه‌سی حاضرلاماق ، موسس‌لر مجلسینین فورمالاشدیریلماسی اوچون آزاد رفرندوم کئچیرمکدیر:

"دموکراتییا، ملی سوورنلیک و انسان حقوقلاری استاندارتلارینا اساس‌لانان کونستیتوسییا یازیلمالیدیر".

قید ائدک کی، میر حسین موسوی ۲۰۰۹-جو ایلده کئچیریلن پرزیدنت سئچکیلرین‌ده غالیب گلسه ده، علی خامنه‌اینین اراده‌سی ایله محمود احمدی‌نژاد پرزیدنت تعیین اولونوب.

تبریزلی سیاستچی، نتیجه‌لرین ساختالاشدیریلماسینا و علی خامنه‌اینین محمود احمدی‌نژادی پرزیدنت اعلان ائتمه‌سینه قارشی نماییشه چاغیریب.

میلیونلارلا وطنداشین اشتراک ائتدیی ازدحام‌لی اعتراض میتینقلرین‌دن سونرا میر حسین موسوی و حیات یولداشی زهرا رهنورد ائو حبسینه محکوم ائدیلیب.