پرزیدنت مسعود پزشکیانین ماشینینا سو قاریشمیش بنزین وورولماسی ایله باغلی یاییلان خبرلر حقیقتی عکس ائتدیرمیر.

Axar.az خبر وئریر کی، بونو یاناجاقدولدورما منطقه‌لری بیرلیینین سؤزچوسو رضا نواز دئییب.

"آپاریلان آراشدیرمادان سونرا همین گون دئییله‌ن یاناجاقدولدورما منطقه‌سینده ۱۰۰۰-دن چوخ آوتومبیله یاناجاق دولدورولوب و همین آوتومبیللرین صاحبلری طرفیندن هئچ بیر شکایت داخل اولماییب"،- او علاوه ائدیب.

رضا نواز، پرزیدنتین تبریزه تاکسی ایله گئتمه‌سینین باشقا سببلرینین اولا بیله‌جه‌یینی دئییب:

"پرزیدنت کاروانین‌دا اولان هر اوچ آوتوموبیلین خراب اولماسی ادعاسی دوغرودورسا، مسئله‌یه تکنیکی و تهلوکه‌سیزلیک مسئله‌لری ده داخیل اولماقلا، باشقا آسپکتلردن ده باخماق لازیمدیر، بونو بنزینله علاقه‌لندیرمک آبسورددور".

قید ائدک کی، بوندان اول یایایلان معلوماتلارا گؤره، مسعود پزشکیانین تبریزه غیری-رسمی سفری زمانی اونو و محافظه‌چیلرینی آپاران اوچ آوتوموبیل بنزینه سو قاریشدیریلماسی سببیندن قزوین ایالتینده یاری یول‌دا خراب اولوب و حکومت باشچی‌سی یولون قالان حصه‌سینی تاکسی ایله تبریزه گئدیب.