حاضردا تهران حبس‌خاناسین‌دا ساخلانیلان آذرباجان‌لی ملی فعاللار آراز آمان، آیاز سیفخواه و باقر حاجی‌زاده باره‌سینده ایلکین محکمه‌نین چیخاردیغی ۲۵ ایللیک حبس قرارینی ایران عالی محکمه‌سی تصدیق ائدیب.

Axar.az خبر وئریر کی، بو باره‌ده انسان حاقلاری فعاللاری معلومات یاییب.

آراز آمان و باقیر حاجی‌زاده "جاسوسلوق" اتهامینا گؤره هر بیری ۸ ایل، آیاز سیفخواه ایسه "جاسوسلوق" و "اؤلکه‌نین ملی تهلوکسیزلیینه ضربه وورماق اوچون توپلاشماق و سؤودلشمک" اتهامینا گؤره ۹ ایل آزادلیقدان محروم ائدیلیب.

بونونلا یاناشی حبس‌دن سونرا اونلارین ۲ ایل مدتینه سوسیال مئدیادا فعالیتلرینه، سیاسی و اجتماعی تشکیلاتلارا عضو اولمالارینا، اؤلکه‌دن چیخیشلارینا قاداغا قویولوب.

قید ائدک کی، آدی چکیلن فعاللار ۲۰۲۳-جو ایل فورالین ۵ و ۷-ده تبریزده حبس ائدیلیبلر.