پرزیدنت مسعود پزشکیان آذربایجان رسپوبلیکاسیندان ایرانا هوا هجومو ائدیلدیینی قبول ائتمیر.

Axar.az خبر وئریر کی، بونو تبریزین ایران پارلامنتین‌ده‌کی نماینده‌سی علیرضا نوین دئییب.

«پرزیدنت مسعود پزشکیانین تبریزه سون سفری زمانی اونونلا گؤروشومده اؤلکه‌نین شمال-غربینین مدافعه‌سینین گوجلندیریلمه‌سینین واجیبلیینی وورغولادیم. آذربایجان رسپوبلیکاسیندان هجوملارین غیری-رسمی ثبوتلارینا باخمایاراق، پرزیدنت بونو قبول ائتمه‌دی»، - ملت وکیلی بیلدیریب.
علیرضا نوین وورغولاییب کی، پزشکیان قارشی‌سیندا غربی آذربایجان، شرقی آذربایجان، اردبیل، زنجان و کردستان ایالتلرینده مدافعه اینفراستروکتورونون گوجلندیریلمه‌سی باره‌ده مسئله قالدیریب.

قید ائدک کی، علیرضا نوینین کئچیردیی بو مطبوعات کنفرانسی و آذربایجان‌دان ایرانا هجوملار باره‌ده جفنگ ادعالاریندان بیر گون سونرا شرقی آذربایجان ایالتینین نماینده‌لر مجلیسینین اجلاسی باش توتوب و علیرضا نوین نوماینده‌لر مجلیسینین صدرلییندن چیخاریلاراق اونون یئرینه اهر و هریس شهرلرینین ملت وکی‌لی بیت‌اللاه عبداللهی سئچیلیب.

خاطرلاداق کی، ۱۲ گونلوک محاربه زمانی گویا اسرائیل پوا-لارینین آذربایجاندان قالخاراق، ایرانا ضربه ائندیرمه‌سی حاق‌دا بعضی ایران‌لی اکسپرتلرین سسلندیردیی ادعالارلا باغلی هئچ بیر ثبوت تقدیم ائدیلمه‌ییب. آذربایجان ایسه بو جفنگ ادعالاری تمامیله رد ائدیب و آذربایجان اراضی‌سینین ۳-جو اؤلکه‌لره قارشی هئچ واخت استفاده ائدیلمدیینی و ائدیلمیجیینی بیر داها بیان ائدیب.