آوتومبیل بازاریندا عنعنوی موتورلار دؤورو اؤز یئرینی الکتریکلی موتورلارا وئرمه‌یه باشلاییب. بیر چوخ آوتومبیل شیرکتین‌دن سونرا بو دفعه ده مشهور آلمان آوتومبیل شیرکتی "پورشه" یئنی ایستحصال ائتمه‌یه باشلادیقلاری دیزل مدلرینین سون دفعه اولاجاغینی بیلدیریب.

رئپورت خبر وئریر کی، بو باره‌ده "پورشه"نین باش ایجراچی دیرکتورو اولیوئر بلومی دئییب.

قید ائدک کی، بیر قدر اول "وولوو" شیرکتی ده ۲۰۱۹-جو ایلده‌ن اعتباراً آنجاق الکتریکلی موتورلو آوتومبیل ایستحصال ائدجیینی بیلدیریب. همچینین دونن "مرسدس" شیرکتی ۲ میلیون. عد‌ده یاخین ایستیثماردا اولان دیزل موتورلو آوتومبیلینی ضررلی توللانتی نورماسی یوکسک اولدوغو اوچون گئری چاغیریب. شیرکت ضررلی توللانتیلارین نورماسینی آزالتماق اوچون ۲۲۰ میلیون آورو (۲۵۳ ملن. آمریکا دوللاری) خرجلیجیینی بیلدیریب.

خاطیرلاداق کی، بئله بیر پروبلم ۲۰۱۵-جی ایلده آلمانییانین "ولکس واگئن" شیرکتی ایله باش وئریب و او زامان شیرکت ۴،۳ میلیارد دوللار جریمه اولونوب.