یوخاری

تبریزده ماشینلارین حرکتینه قویولان محدودیتلر داوام ائد‌جک

آنا صحیفه آوتو
12 Punto 14 Punto 16 Punto 18 Punto

تبریزده هفته‌نین تک گونلری و جوت گونلری اوچون شهر داخیلین‌ده ماشینلارین حرکتینه قویولان محدودیتلر داوام ائد‌جک.

بو سؤزلری شرقی آذربایجان ویلایتینین یول پلیسینین رئیسی ناصر مکانیکی مصاحیبه‌سی زامانی دئییب.

«معین حاللار نظره آلینماقلا قویولان محدودیتلر داوام ائتدیریله‌جک. شهر داخیلین‌ده چوخ سایلی ماشینلار حرکت‌ده اولدوغو اوچون سیخلیق یارانیر و بو ایلین سرتاسرین‌ده (باشاباشین‌دا) داوام ائدیر و نووروز بایرامینا یاخین داها دا سیخلاشیر. اودور کی، قویولان محدودیتلر داوام ائتمه‌لی‌دیر. جمعه گونو اوچون بعضی استثنالار قویولوب. بو باره‌ده سونرا معلومات وئریله‌جک. محدودیت قویولان زوندا دا (لئز) حرکت‌ده اولان و تکنیکی باخیش‌دان (معاینه‌ فنی) کئچمه‌یه‌ن ماشینلارا ۵۰ مین تومن جریمه تطبیق اولوناجاق. همچینین، ایجازه‌لی اولمایان گون‌ده همین زونادا حرکت‌ده اولان ماشینلارا قارشی معین تدبیرلر گؤرولوب، اؤزونه مخصوص کود اساسین‌دا جریمه تطبیق اولوناجاق»، - معلومات‌دا قئید اولونور.

قید ائدک کی، سون زامانلار تبریز شهرینین مرکزی حیصه‌سین‌ده (لئز زوناسین‌دا) ماشینلارین حرکتینه محدودیت قویولوب. بئله کی، هفته‌نین تک گونلری (بازار گونو، ایکینجی گون، ۴-جو گون) نمره نیشانینین سونلوغو تک اولان ماشینلار و قالان گونلرده دیگر ماشینلارین همین زونایا گیرمه‌سینه اجازه وئریلیر. ایلک اؤنجه معین مدت داوام ائتمه‌سی و کؤنول‌لو اولماسی ادعا اولونسا دا، ایندی گؤرونور ایل بویو داوام ائد‌جک. کؤنول‌لو اولماییب، عکسینه بونا رعایت ائتمه‌یه‌ن سوروجولر جریمه اؤد‌مه‌لی اولاجاق.

تاریخ
2019.08.27 / 19:09
مولف
Axar.az
شرح لر
دیگر خبرلر

واتساپ‌دا یئنی فونکسییا: بونو ائتمک قاداغان ائدیلدی

افسانوی فوتبولچو کلوب پرزیدنتی اولدو

دونیانین ان اعتبارسیز آوتومبیللری...

میللیمیز دونیا چئمپیوناتین‌دا دؤردونجو اولدو

هدایت حیدروو آوروپا چمپیوناتینین فینالین‌دا!

ایلون ماسک باکییا گلمکدن ایمتینا ائتدی

چوخ آداما ائله گلیردی کی، آذربایجانلا ماتچ... - تدسکو

«تویوتا» ۲۰۲۳-جو ایلده رکورد سایدا آوتومبیل بوراخاجاق

قزوین‌ده اعتراض آکسییاسی کئچیریلدی

ورزیقان‌دا یول قزاسیندا اؤلنلرین سایی آرتدی

خبر خطّی
Axar.az'da reklam Bağla
Reklam
Bize yazin Bağla