ایران اسلام رسپوبلیکاسینین خاریجی ایشلر ناظرلیینین مطبوعات کاتیبی اسماعیل بقایی‌نین گویا آذربایجان‌دا ایران اصیل‌لی محبوسلارلا پیس رفتار ائدیلمه‌سی ایله باغلی سسلندیردیی اتهاملار تمامیله اساس‌سیز، غرضلی و تخریبات کاراکتئرلی‌دیر.

Axar.az خبر وئریر کی، بو سؤزلری وطنداش همرای‌لییی پارتییاسی مرکزی اجرا آپاراتینین رهبری سامیر اسدلی دئییب.

«حاضردا آذربایجانین پنیتنسیار موسسه‌لرینده ایران وطنداشی اولان محکوملار ساخلانیلیر. خصوصی اولاراق وورغولاماق لازیم‌دیر کی، اونلارین بؤیوک اکثریتی نارکوتیک واسطه‌لرین قانون‌سوز دوریه‌سی، سرحد پوزونتولاری ایله باغلی مسئولیته جلب اولونوبلار. ایرانین اونلارین ساخلانما شرایطی و گؤستریله‌ن مناسبتله باغلی ایرادلاری گولونجدور. چونکی بو شخصلره گؤستریلن رفتار، یارادیلان هومانیتار شرایط و حقوقی تأمیناتلار ایران حبسخانالارین‌داکی غیری-انسانی داورانیشلارلا هئچ بیر باخیمدان مقایسه اولونا بیلمز. بونون تصدیقی کیمی همین شخصلرین بیر قیسمینین آزادلیغا چیخدیق‌دان سونرا آذربایجانین حبسخانالارین‌دا شفاف و هومانیست مناسبته شاهد اولدوقلاری حاق‌دا آچیقلامالارینا دقت یئتیرمک کفایت‌دیر.

مناسبت او قدر هومانیست‌دیر کی، حتی ایرانین آذربایجان‌داکی سفیرلییی بو محکوملارا متمادی اولاراق سوقات گؤندریر و بو پروسس طرفیمیزدن ده مشاهده اولونوب. بوندان علاوه، اکثر جزاچکمه موسسه‌لرینده ایران‌لی محکوملارا علاوه ایمکانلار دینی آیینلرین ایجراسی اوچون مسجیدلر، آیریجا یئمک حاضرلاما شرایطی و دیگر میشت اوستونلوکلری یارادیلیب»، - او بیلدیریب.

وهپ فونکسیونئری اؤلکه‌میزده حبس حیاتی یاشایان ایران وطنداشلاری ایله باغلی بیر مقاما دا توخونوب:

«اصلین‌ده، آذربایجان طرفینین دئیه‌جک و سرت مؤقع اورتایا قویماغا حاقی چاتان نوانسلار وار. ایران بعضا خصوصی آگنتورا شبکه‌سینین عضولرینه قصداً آذربایجان‌دا محبوس ایستاتوسو قازاندیریر و بو انسانی مناسبتدن سوءاستفاده ائد‌رک همین محبوسلار واسطه‌سیله آذربایجان‌دا دینی-سیاسی تبلیغات ایشلری گؤرور. بو شخصلرین جزاچکمه موسسه‌لرین‌ده ایدئولوژی تأثیر فورمالاشدیرماغا چالیشدیغی حاق‌دا کفایت قدر فاکتلار وار. معلوماتا گؤره، بعضا محکوملارین هانسی موسسه‌یه یئرلشدیریلجیی بئله اولجه‌دن پلانلاشدیریلیر. بو ایسه گؤستریر کی، صحبت سیستم‌لی شکیل‌ده قورولموش مکرلی فعالیتلردن گئدیر. بو، تکجه حقوقی مسئله دئییل، عینی زمان‌دا آذربایجانین سوورنلیینه و داخلی ثابیتلیینه قارشی یؤنلمیش تهلوکه‌لی یاناشمادیر».

اسدلی همچینین وورغولاییب کی، اصلین‌ده ایران رژیمی ایلک نوبه‌ده اؤز داخیلین‌ده باش وئرن دهشتلی ایشگه‌نجه‌لره و انسان حقوقلارینین کوبود شکیل‌ده پوزولماسینا جواب وئرمه‌لی‌دیر:

«خصوصیله اطلاعات-این نظارتین‌ده اولان زیندانلاردا حیاتا کئچیریله‌ن وحشی‌لیکلر بین‌الخالق حساباتلاردا آچیق شکیل‌ده سندلشدیریلیب. ایشگه‌نجه‌نین رسمی سیاسته چئوریلدیی بیر اؤلکه‌نین باشقا دولتلره انسان حقوقلاری ایله باغلی اتهام ایر‌لی سورمه‌سی ایکی اوزلولوکدور. آذربایجانی قارالاماغا جهد ائد‌ن بو آچیقلاما اصلین‌ده ایرانین آذربایجان‌داکی تخریبات‌چی پلانلارینین ایفلاسا اوغراماسینین نتیجه‌سی‌دیر. اؤلکه‌میزده دینی رادیکالیزمین یاییلماسینا قارشی سرت و پرینسیپیال مؤقع گؤستریلدیی اوچون بو کیمی غرضلی بیاناتلار واسطه‌سیله اوز چیخماغا چالیشیرلار. آذربایجانا قارشی اتهاملار ایسه نه حقوقی، نه ده معنوی اساس داشیییر».