رسمی باکی آمریکا-نین ایستیی اساسین‌دا آذربایجان حرب‌چیلرینین غزه‌ده ثابتلیک قوه‌لرینین ترکیبینده اشتراکی اوچون بیرلشمیش ملتلر تشکیلاتی تهلوکه‌سیزلیک شوراسینین قرارینا احتیاج اولدوغونو بیلدیریب. یعنی بین‌الخالق قوه‌لرین لگیتیم‌لیی و مانداتی اولمالی‌دیر. آنجاق فکریمجه، بو دا یئترلی دئییل. اسرائیل و حماس آتشکسه رعایت ائتملیدیرلر. عکس حال‌دا، هئچ بیر اؤلکه، او جمله‌دن آذربایجان اؤز حرب‌چیلرینی غزه‌یه گؤندرمه‌یه‌جک.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

«صلح‌مرام‌لی قوه‌لر آتشین مرکزینده قالاسی دئییللر. مثلاً، مصرده آمریکا و ۲۰-دن چوخ دولت لیدرینین اشتراکی ایله آتشکسله باغلی راضیلاشما الده ائدیلدی. بونا باخمایاراق، حماس آتش آچیر، اسرائیل ایسه بمبالاییر. بو، آتشکس دئییل. بئله وضعیت‌ده غزه‌ده بین‌الخالق قوه‌لرین یئرلشدیریلمه‌سی ممکون اولمایاجاق. حماس عضولرینین ترک-سلاح اولونماسی صلح‌مراملی قوه‌لرین وظیفه‌سی دئییل. صلح‌مرام‌لیلار یالنیز هومانیتار یوکلری مشایعت ائده و انضباطی بنالارین تهلوکه‌سیزلیینی تامین ائده بیلرلر. تأسف کی، غزه‌ده‌کی دوروم هله بو مرحله‌یه گلیب چیخماییب»، - او قید ائدیب.