ایران‌دا ایکی هیندیستان‌لی شخص - آختار حسینی قطب‌الدین احمد و عادیل حسینی – اؤزلرینی «نووه عالیملری» کیمی تقدیم ائد‌رک، اؤلکه‌نین علمی و تهلوکه‌سیزلیک ایستروکتورلارینی اوزون مدت آلدادیبلار. اونلار ایران اتم انرژی‌سی تشکیلاتینا و بیر سیرا علاقه‌دار قوروملارا نووه سلاحی استحصالی اوزره ساختا تکنیکی پلانلار ساتماقلا میلیونلارلا دلار قازانیبلار.

Axar.az خبر وئریر کی، محکمه ماتریاللارینا اساساً، همین شخصلر ایرانا تخمیناً ایگیرمییه یاخین سفر ائدیبلر. بو سفرلر زمانی اونلار مختلف مرکزلرده تقدیماتلار کئچیره‌رک، ساختالاشدیریلمیش سندلری «نووه رئاکتور لایحه‌لری» کیمی تقدیم ائدیبلر. لاکین آراشدیرمالار نتیجه‌سینده معلوم اولوب کی، سندلر هئچ بیر علمی و تکنیکی دیره مالک اولماییب، اویدورما ترمینلر و قوندارما اکسپرتیزالاردان عبارت اولوب.

استنتاق زمانی معین ائدیلیب کی، آختار حسینی و عادیل حسینی اؤزلرینی هیندیستانین بهابها اتم تدقیقات مرکزی (بارج) امکداشلاری کیمی قلمه وئریبلر. اونلار ساختا شخصیت وثیقه‌لری، آکادمیک دیپلملار و مهرلردن استفاده ائد‌رک، ایران طرفینین اعتیمادینی قازانیبلار.

قید اولونور کی، اونلارین فعالیتینه ایرانین تهلوکه‌سیزلیک اورگانلاری نظارت ائتمه‌یه باشلادیقدان سونرا مسئله افشا اولونوب. معلوماتلارا گؤره، همین شخصلر معین واخت‌دا اسرائیل طرفینین علاقه‌دار تشببوسلری ایله قارشیلاشیبلار، لاکین بو تماسلار رسمی امکداشلیغا چئوریلمه‌ییب.

حاضردا هر ایکی شخص هیندیستان‌دا حبس‌ده‌دیر و بین‌الخالق سویه‌ده فیریلداقچیلیق، ساختاکارلیق و جاسوسلوغا جهد ماده‌لری ایله استنتاق آپاریلیر.

ایران مئدیاسین‌دا بو قالماقال «علمی ساختاکارلیقلا ملی تهلوکه‌سیزلییه ضربه» کیمی قیمتلندیریلیر و حادثه اؤلکه‌نین نووه پروگرامین‌دا داخلی یوخلاما مکانیزملرینین ضعیفلیینه دایر جدی سواللار دوغوروب.