تاریخی، مدنی، دینی، لینگویستیک و ائتنیک یاخینلیقلار نظره آلیناراق، ایکی اؤلکه خالقلاری آراسین‌دا قارشی‌لیقلی سفرلره بؤیوک و داواملی ماراق مشاهده اولونور کی، سون ایللرین استاتیستیک گؤستریجیلری بو فاکتی تصدیقله‌مکده‌دیر.

Axar.az خبر وئریر کی، بونو ایران اسلام رسپوبلیکاسینین آذربایجان‌داکی یئنی سفیری مجتبی دمیرچیلو دئییب.

سفیرین سؤزلرینه گؤره، توریزمین هرطرفلی انکشافی اوچون خالقلارین بیر-بیرینی داها یاخیندان تانیماسی ایله یاناشی، وطنداشلارین گئدیش-گلیشینین سادلشدیریلمه‌سی اساس و ضروری شرط‌دیر.

دیپلمات قید ائدیب کی، سیاحت واختی و خرجلرین اوپتیماللاشدیریلماسی و آزالدیلماسی توریزمین انکشافینین اساس تکانوئریجی عامللریندندیر: «بو مقصدله ایران آذربایجان وطنداشلاری اوچون ویزا طلبینی لغو ائدیب و اونلار هئچ بیر علاوه چتین‌لیک اولمادان ایرانا سفر ائده بیلیرلر.

بوندان علاوه، بو یاخینلاردا ایکی اؤلکه آراسین‌دا بیرباشا آویارییسلرین برپاسی رئاللاشدیریلیب و گله‌جکده ایکی اؤلکه‌نین مختلف شهرلرینه اوچوشلارین سایینین اهمیتلی درجه‌ده آرتیریلماسی نظرده توتولور. همچنین امیدواریق کی، قورو سرحدلرینین تام شکل‌ده آچیلماسی ایکی اؤلکه وطنداشلاری آراسین‌دا قارشی‌لیقلی سیاحتلرین سادلشدیریلمه‌سینه و گئنیشله‌نمه‌سینه شرایط یاراداجاق».