محاربه‌نین ۴-جو گونونده (۳ مارت) ایرانین آمریکا-اسرائیل هجوملاری قارشی‌سیندا ایزلدیی تاکتیکا حاقدا یازمیشدیق: ایلک ۱۰ گون هجوملارا دؤزور، هرموز بوغازینی باغلاییر و کؤرفز اؤلکه‌لرینی هدفه آلاراق گلوبال انرژی بحرانی یارادیر.

بو، محاربه‌ده «ساغ قالماق» اوچون ان افکتیو گئدیش اولا بیلردی کی، ایرانین حاضردا – هجوملارین ۱۴-جو گونونده بونا نایل اولدوغو، یاخود ان آزی بئله بیر پرسپکتیو یاراتدیغی گؤرونور. هرموز بوغازیندا یارانان پروبلمه گؤره نفت قیمتلرینین یوکسک حده چاتماسی (پروبلم حل ائدیلمه‌سه، ۱۵۰ دوللارا قدر آرتیم گؤزلنیلیر) و میلیاردلارلا دلار ایتکی گلوبال بحران ریسکینی یارادیر. یئنی دینی لیدر مجتبی خامنه‌اینین ایلک مراجعتین‌ده سسلندیردیی فکرلر – «هرمز بوغازینین باغلانماسی ریچاغیندان استفاده داوام ائتدیریلمه‌لیدیر» آچیقلاماسی ایسه ایرانین گئری چکیلمیجیینی تصدیقلییر.

بو کونتکستده آمریکانین محاربه‌نی داوام ائتدیره بیلمک و ایرانی تسلیم اولماق مجبوریتینده بوراخماق اوچون تهرانین الین‌دن هرمز بوغازینین باغلانماسی ریچاغینی آلماق‌دان باشقا یولو قالمیر.

بوغازدان تهلوکه‌سیز کئچیدین تعمین ائدیلمه‌سی اوچون ایکی ممکن سناری مذاکره اولونور:

بیرینجی‌سی، آمریکا دونانماسینین بوغازدان کئچه‌ن تانکرلری مشایعت ائتمه‌سی‌دیر: ترامپ داها اؤنجه بونو تکلیف ائتمیشدی، مالیه ناظری سکوت بسنت ده بئله بیر واریانتین اوزرینده ایشلدیکلرینی آچیقلادی، لاکین بونون حربی باخیم‌دان حاضرلانماسی بیر قدر زمان آلا بیلر.

بو سناری‌ده اساس پروبلم تانکرلری مشایعت ائد‌جک آمریکا دونانماسینین ایرانین آچیق هدفینه چئوریلمه‌سی‌دیر. واشینگتن ایرانین حربی دنیز قوه‌لرینین سیرادان چیخاریلدیغینی دئسه ده، بوغازا نظارت ائتمه‌سی بو ریسکی آکتوال اولاراق ساخلاییر. ممکن‌دور کی، واشینگتن تانکرلرین مشایعت ائدیلمه‌سی سناری‌سین‌ده «بین‌الخالق کوالیسیا» عاملیندن استفاده ائتسین. بو حال‌دا ایرانین هجومو بین‌الخالق کوالیسیانین دا محاربه‌یه قوشولماسینی شرطلندیره بیلر کی، بو، واشینگتن اوچون صرفه‌لی نتیجه‌دیر.

ایکینجی‌سی، ایرانین ساحل خطینین اله کئچیریلمه‌سی‌دیر: «وال استریت ژورنال» نشری بئله سئچیمین ممکنلویونو یازیب.

هرچند، بو سناری اونیکال گؤرونمور:

- ایرانین ساحل خطینین اله کئچیریلمه‌سی عملیاتی قورودان مداخله ایله ممکن‌دور کی، یئرده نیین باش وئرجیینی، نه قدر اوغورلو اولاجاغینی پروگنوزلاشدیرماق آسان دئییل و بئله بیر سناری‌ده بوغاز داها اوزون مدت ریسک آلتیندا قالا بیلر؛

- ایرانین بو سنارییه قارشی «رگیونون نفت-گاز اینفراستروکتورونو یاندیراجاغیق» خبردارلیغی بؤلگه‌نی ریسک آلتینا سالیر.

بوتون بونلار هرمز بوغازینا نظارت مسئله‌سینین ایران محاربه‌سین‌ده آچار رول اوینایاجاغینی دئمه‌یه اساس وئریر. آمریکا بوغازدان تهلوکه‌سیز کئچیدی تعمین ائد‌رک ایرانین تسلیم اولماسینی سرعتلندیرمه‌لیدیر، عکس تقدیرده، محاربه‌ده نتیجه‌نین الده ائدیلمه‌سی اوزانا بیلر.

هرمز بوغازینا نظارت آمریکاین تکجه ایران محاربه‌سین‌ده نتیجه الده ائتمک یوخ، گئوسییاسی پلان‌دا اؤنه چیخماق استراتگییاسین‌دا دا لازیدیر. هرچند، حاضردا بوغازدا یارانمیش پروبلمه گؤره نفت قیمتلرینین آرتیمی استحصال‌چی کیمی آمریکا اوچون ده صرفه‌لیدیر. بو باخیم‌دان، ریسکلی عملیات عوضینه بوغازدا «پروبلمین» معین مدت داوام ائتمه‌سی سیاستی ده ایزله‌نیله بیلر.