آمریکا حاضردا ایران‌دا باش وئره‌ن پروسئسلری دقتله ایزله‌ییر و بو حادثه‌لره واخت‌آشیری سرت رئاکسییالار وئریر. واشینگتونون موقعیی گؤستریر کی، ایرانلا باغلی یالنیز دیپلوماتیک دئییل، داها درین سیاسی پلانلار دا موجوددور.

بو سؤزلری Axar.az-آ آچیقلاماسیندا پولیتولوگ اوقتای قاسیم‌او آمریکا-ایران گرگینلییی و مومکون سسناریلردن دانیشارکن دئییب.

پولیتولوگون سؤزلرینه گؤره، آمریکا پرزیدنتی دونالد ترامپین ایرانلا باغلی سرت آچیقلامالاری آرتیق ایلک دفعه دئییل و بو موقعیی آمریکا سناتورلاری، کنگرسمنلر و دیگر رسمی شخصلر ده آچیق شکیلده دستکه‌لییر:

«اونلار ایراندا گئدن اعتراضلارا سیاسی دستک وئریرلر کی، بو دا واشینگتونون رژیم دییشیک‌لییی ایله باغلی پلانلارینین موجودلوغونو گؤستریر. آمریکا ونزوئلادان سونرا ایراندا دا دییشیک‌لیکلره فوکوسلانیب و بو پروسسی بیرباشا حربی عملیاتلار اولمادان، داخیلی اعتراضلار واسطه‌سیله رئاللاشدیرماغا چالیشیر.

اگر آمریکا رهبرلییی اعتراضلارین ایران حاکمیتی طرفیندن زوراکیلیقلا یاتیریلدیغینی، اؤلنلرین سایینین آرتدیغینی گؤررسه، بو، دونالد ترامپا حربی مداخیله قراری وئرمک اوچون اساس و بهانه یارادا بیلر. قیرمیزی خط محض زوراکیلیغین مقیاسی و انسان تلفاتی ایله باغلی‌دیر.

ایران‌دا باش وئره‌ن حادثه‌لر تصادفی دئییل و هم داخیلی سببلردن، هم ده آمریکا و اسراپیلین بو پروسئسلره معین فورمادا تأثیریندن قایناقلانیر. پروسسلر عینی زاماندا ایرانین مللا رژیمی داخیلینده سیاسی الیتالار آراسیندا گئدن مبارزه‌نین ده نتیجه‌سی کیمی دیرلندیریله بیلر".

اوقتای قاسیم‌او بیلدیریب کی، ایران‌دا محافضه‌کار و مرتجع کسیم اؤلکه‌ده هم سیاسی گوجو، هم ده اقتصادیاتین اساس حیسه‌سینی نظارت‌ده ساخلاییر و اصلاحاتلارین، داها یومشاق و دموکراتیک سیستمین فورمالاشماسیندا ماراقلی دئییل. بو سبب‌دن همین قوه‌لر زامان-زامان اعتراضلارین قارشی‌سینی آلماق و یا پروسسی یؤنله‌ندیرمک اوچون مختلیف آددیملار آتا بیلیرلر.

"حاضیرکی اعتراضلار اوولکیلردن جدی شکیلده فرقلنیر. بئله کی، آرتیق بو پروسسلره یالنیز معین سوسیال طبقه‌لر دئییل، ایش آداملاری، اورتا طبقه و تهران، تبریز کیمی بؤیوک شهرلرین بازارلاری دا قوشولوب. بو کسیملرین اقتصادیات و جمعیت اوزرینده بؤیوک تأثیر امکانلاری وار.
اگر آمریکا داخیلی پوتنسیال حسابینا پروسسی ایسته‌دیی استیقامت‌ده دییشه بیلمه‌سه و اعتراضلار اوزانارسا، واشینگتونون حربی مداخیله واریانتینی دا گونده‌مه گتیرمه‌سی استثنا اولونمور. بو باخیم‌دان، حاضردا ایراندا وضعیت کفایت قدر گرگین اولاراق قالیر"، - او قید ائدیب.