ایرانین یئنی عالی رهبری مجتبی خامنه‌اینین آغیر وضعیت‌ده، صنعی تنفس آپاراتینا قوشولو حال‌دا خسته‌خانادا اولدوغو باره‌ده معلومات یاییلیب.

Axar.az خبر وئریر کی، اونون ۲۸ فورال‌دا، ایرانین مرحوم عالی رهبری علی خامنه‌اینین اقامتگاهینا ائدیلن ضربه‌لر زمانی آغیر یارالاندیغی ادعا ائدیلیر.

بو اینفورماسیا منطیق‌لی گؤرونور. چونکی علی خامنه‌اینین اقامتگاهینا ائدیلن هجوم‌دا قیزی، کورکنی، نوه‌سی و گلینینین ده اؤلدویو بیلدیریلمیش‌دی. ۲ مارت‌دا ایسه معلومات یاییلدی کی، علی خامنه‌اینین ضربه‌لر زمانی یارالانان حیات یولداشی منصوره خجسته باقرزاده ده دنیاسینی دییشیب.

علی خامنه‌اینین عائله عضولرینین اؤلدویو و یارالاندیغی بیر ضربه‌ده ایکینجی اوغلو مجتبی خامنه‌اینین ده یارالانماسی ممکن‌دور. اما بونون رسمی تصدیقی و رئال تکزیبی یوخدور.

اونا گؤره ده مجتبی خامنه‌ای ایله باغلی معمالار آرتیب:

۱. نیه ۲۸ فورال ضربه‌لرین‌دن سونرا مجتبی خامنه‌اینین هئچ بیر گؤرونتوسو یاییلماییب؟

۲. ۳ مارت‌دا اکسپرتلر شوراسینین م. خامنه‌اینی یئنی عالی رهبر سئچدیی بیلدیریلسه ده، سپاه-ا یاخین مئدیا قوروملاری معلوماتی تکزیب ائتدی و سئچیملرین داوام ائتدیینی بیلدیردی. م. خامنه‌اینین لیدر سئچیلدیی ۸ مارت‌دا اعلان ائدیلدی. قرارین آچیقلانماسی ۵ گون نیه ائرته‌له‌نمه‌لی ایدی؟ م. خامنه‌اینین کریتیک دورومدان چیخماسینی‌می گؤزلییردیلر؟

۳. مجتبی خامنه‌اینین رهبر سئچیلدیی مجلس‌دن گؤرونتولر یاییلدی. همین مجلیس‌ده م. خامنه‌ای نیه یوخ ایدی؟

۴. م. خامنه‌ای آرتیق ۳-جو گوندور کی، یئنی عالی رهبردیر. ۳ گون عرضینده اونون هئچ بیر ویدئو-مراجعتی و چیخیشی اولماییب. یئنی عالی رهبر کیمی ان آزی چوخ قیسا دا اولسا، خالقا مراجعت ائتمه‌سی داها دوغرو اولمازدیمی؟

۵. ایندی‌یه قدر هئچ بیر خارجی اؤلکه رهبری ایله تلفن علاقه‌سی اولماییب، هئچ کیم‌دن تبریکی شخصاً قبول ائتمه‌ییب، اؤلکه داخلین‌ده هئچ بیر قوروم مجتبی خامنه‌ای‌دن شخصاً تعلیمات آلدیغینی آچقلاماییب، دولت استروکتورلاریندان هئچ بیری یئنی رهبره استنادلا آددیم آتدیغینی اعلان ائتمه‌ییب. یئنی رهبر نیه فعالیته باشلاماییب؟

۶. ایران رسمیلری مجتبی خامنه‌اینین ساغ-سالامات و ایشینین باشیندا اولماسینی تصدیقله‌مک اوچون هئچ بیر آددیم آتماییب، یاییلان فوتولاری دا تکزیب ائتمه‌ییب، عمومیتله، رئاکسیا وئرمه‌مه‌یه چالیشیر. نیه؟

بوتون بونلار م. خامنه‌ای اطرافین‌دا احتماللارین چوخالماسینا شرایط یارادیر. بونا باخمایاراق، داها بیر منطیقی سوال دا وار: اگر دئییلدیی کیمی، چوخ آغیر دورومدادیرسا و صنعی تنفس آپاراتینا قوشولوب‌سا، اکسپرتلر شوراسی نیه یاریمجان بیر شخصی رهبر سئچمه‌لی ایدی؟