مرکب پروسس‌دیر. هم دانیشیقلار، هم ده هانسی‌سا گوج نمایشی ممکن‌دور. آمریکا و قیسماً اسرائیل بو پروسسلرین اشتراکچی‌سی کیمی ایرانا تضییق ائدیرلر کی، شرطلری قبول ائتسین. لاکین گؤرونور کی، دانیشیقلار و تماسلاردا ایر‌لی سورولن شرطلری ایرانین - سیاسی الیتانین بعضی قانادلاری قبول ائتمک ایستمیر.

بو سؤزلری Axar.az-آ آچیقلاماسین‌دا سابیق خاریجی ایشلر ناظری، پولیتولوگ توفیق ذولفقاروو ایران و آمریکا آراسیندا باش وئرن گرگین‌لیکلری شرح ائدرکن دئییب.

«شرطلر ندن عبارت‌دیر؟ بیرینجی‌سی، نووه پروگرامینین لغوی، ایکینجی‌سی، راکت پروگراملاریندا اوزاق منزل‌لی بالستیک راکت استحسالینین دایاندیریلماسی و اونلارین گله‌جک‌ده استحصالینین قاداغان اولونماسی. آچیق سسله‌نمه‌سه ده، امینم کی، شرطلردن بیری ایرانین سیاسی استروکتورونون دییشدیریلمه‌سی‌دیر. یا رژیم تمامیله دییشمه‌لیدیر، یا دا ایندیکی سیاسی الیتا بو و یا دیگر شکیل‌ده شرطلری قبول ائتمه‌لیدیر»، - او بیلدیریب.

پولیتولوگ حساب ائدیر کی، اساس طلب دینین دولت ایستروکتورلاریندان چیخماسی‌دیر:

«دولت قوروملارییلا یاناشی دین ایستروکتورلاری پارالل فعالیت گؤستریر. هانسی‌سا هیئتین سئچیمی اولان دینی رهبر دولت رهبریندن اوستون صلاحیتلره مالک‌دیر. بئله اولمامالیدیر. ایندیکی رژیمین ترانسفورماسیاسینی تعمین ائتمک ایران قارشی‌سیندا چوخ سرت طلب کیمی قویولور».

ذولفقاروو ممکن ضربه‌لرین قورودان یوخ، محض هوا قوه‌لری طرفیندن حیاتا کئچیریلجیینه اینانیر:

«بو ضربه‌لر نتیجه‌سین‌ده چوخ مهم اینفراستروکتور اوبیکتلری دارماداغین اولا بیلر. ایران‌دا ۱-۲ عدد بنزین استحصال ائد‌ن زاوود وار. اونلارا ضربه ائندیره‌ن‌دن سونرا کومونیکاسییا و نقلیات سیستمی ایفلیج وضعیته دوشه‌جک. ایرانین تخمیناً ۸۵% اخراجی محض فارس کؤرفزینده یئرلشن ۱-۲ لیمان واسطه‌سیله حیاتا کئچیریلیر. و بو لیمانلارا ضربه ائندیریلسه، چوخ جدی سوسیال پروبلملر عمله گله‌جک.

بوندان باشقا، قاچقینلار دالغاسی اولا بیلر. بو باخیمدان بؤلگه‌ده یئرلشن نفوذلو اؤلکه‌لر حربی عملیاتلارین اولماسینا قارشی چیخیرلار - او جمله‌دن، عرب اؤلکه‌لری و تورکییه.
حساب ائدیره‌م کی، سس‌لنه‌ن و سسله‌نمه‌یه‌ن شرطلر ایرانین سیاسی الیتاسی طرفیندن قبول اولوناجاق».