حاضردا باکی حربی محکمه‌سین‌ده ارمنستان وطنداشلارینین داوام ائتدیریلن محکمه پروسسین‌ده تقصیرلندیریلن شخصلره حکم اوخونور.

Axar.az خبر وئریر کی، حکمه اساساً تقصیرلندیریله‌نلردن آرایک آروتیونیان، لئوون مناتساکانیان، داوید مانوکیان و داوید ایشخانیان قطعی اولاراق عمرلوک آزادلیقدان محروم ائتمه جزاسینا محکوم اولونوبلار.

قید ائدک کی، ارمنستانین حربی تجاوزو نتیجه‌سینده صلح و انسان‌لیق علیه‌ینه جنایتلر، محاربه جنایتلری، او جمله‌دن تجاوزکار محاربه‌نین حاضرلانماسی و آپاریلماسی، سویقیریمی، محاربه قانونلارینی و قایدالارینی پوزما، هابئله ترورچولوق، ترورچولوغو مالیه‌لشدیرمه، حاکمیتی زورلا اله کئچیرمه، اونو زورلا ساخلاما و دیگر چوخسایلی جنایتلر تؤرتمکده تقصیرلندیریلن ارمنستان رسپوبلیکاسینین وطنداشلارینین محکمه‌سی حکمون اوخونماسی ایله داوام ائتدیریلیر.