خصوصاً سون واختلار داخلی و خارجی عامللرین بیرلشمه‌سی ایران حکومتینی چیخیلماز وضعیته سالیب. پارتلاییشا حاضر اولان اهالی، آمریکانین حربی عملیات تهدیدی، ضعیفله‌یه‌ن "مقاومت اوخو"، خصوصاً سپاه و باشقا گوج ایستروکتورلارین‌دا آرتان کورروپسیا و اداره‌ائتمه‌نین نظارتدن چیخماسی رژیمه تضییقی آرتیریب.

اقتصادی تنزل، رگیونال متفیقلرین ایتیریلمه‌سی، اسرائیل و آمریکا ایله گرگین‌لیک و گئنیش یاییلمیش اجتماعی غضب کیمی عامللر ایران‌دا بؤیوک دییشیکلیکلره زمین یارادیب.

بونونلا یاناشی سانکسیالارین رژیمین نفت گلیرلرینی محدودلاشدیردیغی و تهرانین دکابر آیین‌دا داها دا پیسلشن نفت ساتیشیندا کسکین ائندیریملر تکلیف ائتمک مجبوریتی حاکمیتین اقتصادی جهت‌دن ده داها چوخ کونجه سیخیلدیغینی گؤستریر.

تهرانین همچینین رگیون‌داکی اولکی اساس موقعین‌دن اوزاقلاشماسی، حماس و حزبوللاه دا داخل اولماقلا، متفیقلرینین ضعیفله‌مه‌سی اونون تضییق و تهدید ریچاقلارینین دا اهمیت‌لی درجه‌ده آزالماسینا سبب اولوب.

باش وئره‌نلر و موجود وضعیت تهرانین ایکی سئچیم قارشی‌سین‌دا قالدیغینی گؤستریر: یا کاپیتولاسییانی قبول ائدیب موجود سیستمی فرقلی فورمادا بیر مدت قوروماق، یا دا تاریخی شرایط و حاکم رئاللیغین دیکته‌سی ایله تمامیله محو اولماق!

سون هفته‌لرین دیپلوماتیا ترافیکی ایسه رژیمین بیرینجی سئچیمی داها یومشاق شکیل‌ده قبول ائتمه‌یه حاضرلاشدیغینا دلالت ائدیر.

بونا اساس مانعه ایسه علی خامنه‌ای و ایران کوتیتوسیاسین‌دا دینین مطلق حاکمیتینی تثبیت ائد‌ن ۱۱۰-جو ماده‌دیر.