نفتین قیمتینده مشاهده اولونان کسکین دالغالانمالار اساساً ایران اطرافیندا باش وئره‌ن حادثه‌لرله باغلی‌دیر. خصوصیله هرمز بوغازی اطرافیندا یارانان غیری-معین‌لیک، ایرانین وورولوب-وورولمایاجاغی ایله باغلی ریسکلر بازاردا پسیخولوژی و رئال تأثیر یارادیر. بوندان علاوه، دلارین اوجوزلاشماسی دا قیمتلره جدی تأثیر گؤستریر.

بو سؤزلری Axar.az-آ آچیقلاماسین‌دا اقتصادچی ناطق جعفرلی نفت بازارینداکی سون پروسسلردن دانیشارکن دئییب.

اونون سؤزلرینه گؤره، گونده‌لیک و هفته‌لیک دالغالانمالار نفت بازاری اوچون او قدر ده حل ائدیجی دئییل:

«اساس گؤستریجیلر ربع‌لوک، ۶ آیلیق، ۹ آیلیق و ایللیک اورتا قیمتلردیر. ایران اطرافین‌دا غیری-معین‌لیک داوام ائتدیکجه بازاردا دالغالانمالار قاچیلماز اولاجاق.

قیمتلره تأثیر ائد‌ن دیگر مهم عامل روسیا نفتینین دنیا بازارینا چیخیشین‌دا یارانان محدودیتلردیر. بعضی معلوماتلارا اساساً، دونیا اوکیانلارین‌دا

تانکرلرده ۳۵–۴۰ میلیون بارله یاخین روسیا نفتی قالیب و سانکسیالار سببین‌دن بو حجملرین ساتیشی چتینلشیب. بو ایسه بعضی اؤلکه‌لرین، او جمله‌دن هیندیستان کیمی ایری آلیجیلارین نفت تداروکونده پروبلملر یارادیر و نتیجه‌ده قیمتلره علاوه تأثیر گؤستریر».

قید ائدک کی، اؤتن گون «برنت» مارکالی نفت کسکین باهالاشاراق، ۷۰ دلارا قالخیب.