ایرانین یول و شهرسالما ناظیری خانیم فرزانه صادق باکییا گلیب.

Axar.az خبر وئریر کی، بو باره‌ده ایرانین آذربایجان‌داکی سفیرلییندن معلومات وئریلیب.

ایران اسلام رسپوبلیکاسینین یول و شهرسالما ناظیری خانیم فرزانه صادق، ایران اسلام رسپوبلیکاسی ایله آذربایجان رسپوبلیکاسی آراسین‌دا اقتصادی امکداشلیق اوزره بیرگه کمیسیانین ۱۷-جی اجلاسین‌دا اشتراک ائتمک مقصدیله، ناظیرلیکلرین، اقتصادی قوروملارین و اؤلکه‌میزین اؤزل سکتورونون نماینده‌لرین‌دن عبارت نماینده هیئتینه رهبرلیک ائد‌رک باکییا سفر ائدیب.

خانیم صادق باکییا گلیشی زمانی آذربایجان رسپوبلیکاسینین رقمسال انکشاف و نقلیات ناظیرینین معاونی، ائلجه ده ایران اسلام رسپوبلیکاسینین آذربایجان‌داکی سفیری طرفیندن قارشیلانیب.

سفر چرچیوه‌سینده خانیم صادق بیرگه کمیسیانین اجلاسین‌دا اشتراک ائتمکله یاناشی، آذربایجان رسپوبلیکاسینین یوکسک سوییه‌لی سیاسی و اقتصادی رسمیلری ایله بیر سیرا گؤروشلر کئچیره‌جکدیر.

بو سفرین گوندلیینه ایکی اؤلکه آراسین‌دا امکداشلیغین موجود وضعیتینین هرطرفلی قیمتلندیریلمه‌سی، موجود مانعه‌لرین آرادان قالدیریلماسی، هابئله نقلیات، انرژی، تجارت و مدنی امکداشلیق ساحه‌لری باشدا اولماقلا، بیرگه اقتصادی لاییحه‌لرین اجراسینین سرعتلندیریلمه‌سی مسئله‌لری داخلدیر.