بو محاربه‌ده آمریکا و اسرائیلین فرق‌لی هدفلری وار. اسرائیلین هدفی بؤلگه‌ده گوجلو دولتین اولماسینا مانع اولماق، ایران رژیمینی داغیتماق و اؤزونه یاخین حکومت گلمه‌سینه نایل اولماقدیر. آمریکانین ایسه ایکی اساس مقصدی وار: نفت و نقلیات کومونیکاسیا خدمتی. دوشونوره‌م کی، آمریکا هم انرژی، هم ده نقلیات-کومونیکاسیا رسوسلارینا نظارت ائتمک ایستییر.

بو سؤزلری Axar.az-آ آچیقلاماسیندا پولیتولوگ تراب رضایئو محاربه‌نین پرده‌آرخاسینی قیمتلندیررکن بیلدیریب.

پولیتولوگون سؤزلرینه گؤره، آمریکا آچیق شکیل‌ده ونزوئلادان سونرا ایران‌دا نفت و گاز یاتاقلارینا نظارت ائتمک ایستدیینی بیلدیرمیشدی:

«ایران هم شمال-جنوب، هم ده شرق-غرب استقامتی جهت‌دن چوخ واجیب نقلیات، کومونیکاسییا خطلرینین مرکزینده یئرلشیر. ائله بو محاربه ده هرمز بوغازی، کؤرفز و عرب دنیزینین نه قدر اهمیتلی اولدوغونو گؤستردی. بونلارین رانین نظارتینده اولماسینی آمریکان حضم ائتمیر.

عینی زمان‌دا، ایران روسیانین شمال-جنوب نقلیات دهلیزینده اؤنملی رول اویناییر و روسیادان بیرباشا ایرانا و هیندیستانا گئدن یولون اوزرینده‌دیر. آمریکا بو یولو دا نظارته گؤتورمک ایستییردی. حتی بو یولو داغیداراق و یا انکشافینین قارشی‌سینی آلیب، عوضینده شرق-غرب استقامتین‌ده هیندیستان-عرب اؤلکه‌لری نقلیات دهلیزی قورماغا چالیشیردی. بو سبب‌دن ایرانین چینله ۳۵۰ میلیاردلیق اینوستیسیا پلانی و هیندیستانلا اولان نقلیات کومونیکاسییا خطلرینین داغیدیلماسینا احتیاج وار ایدی.

فکریمجه، بو محاربه هله‌لیک هئچ بیر مقصدینه چاتماییب. رئال اولاراق مناقشه باشلایان گوندن بوگوندک نه ایران‌دا اولان اورانی الده ائده بیلیبلر، نه حکومتینی دییشمه‌یه نایل اولوبلار، نه نفت و گاز ایخراجی ایله باغلی اوستونلوک الده ائدیلیب، نه ده نقلیات-کومونیکاسییا خطلری نظارته گؤتورولوب.
یعنی آتشکس اعلان اولونسا دا، مناقشه‌نین بیتدیینی دئمک چوخ تئزدیر. چونکی هدفلر الده اولونمایبسا، دئمه‌لی، بو مناقشه داوام ائتمه‌لیدیر».

قید ائدک کی، ایران و آمریکا آراسیندا ۸ آپرل‌ده ایکی هفته‌لیک آتشکس الده ائدیلیب. صلحله باغلی دانیشیقلار ایسه پاکستان‌دا آپاریلاجاق.