آمریکا پرزیدنتی دونالد ترامپین ۱۴ گونلوک آتشکسه راضیلاشماسینین آرخاسیندا بیر سیرا حربی-تکنیکی سببلر دایانیر.

Axar.az خبر وئریر کی، بو سؤزلری پولیتولوگ الدار نمازوو آمریکا و ایران آراسیندا اؤتن گون الده ائدیلن ایکی هفته‌لیک آتشکس راضیلاشماسینی ای‌تی‌وی-یه شرح ائدرکن دئییب.

اونون سؤزلرینه گؤره، سببلردن بیری آمریکانین اولجه‌دن نظرده توتدوغو هدفلرین آرتیق یئرینه یئتیریلمه‌سی ایله باغلیدیر:

«آمریکانین نظرده توتدوغو ۱۳۰۰ اوبیکت آرتیق وورولوب. بونلار اوردو، سپاه، «بسیج» و دیگر حربی قوروملار، مدافعه اوبیکتلری، دنیز دونانماسی، هوا هجوموندان مدافعه سیستملری، ائلجه ده حربی صنایع – راکت و ماشین قاییرما زاوودلاریدیر. اونلارین هامی‌سی وورولوب. ایندی ایسه یئنی سیاهی حاضرلانیر و بو آرتیق اینفراستروکتور اوبیکتلرینی احاطه ائدیر. یوللار، کؤرپولر، الکتریک استانسییالاری هدفه آلینمالیدیر. بو ایسه اولجه‌دن نظرده توتولموش پلان دئییلدی. اونا گؤره ده ترامپ بیلدیریر کی، نظرده توتولان هدفلر یئرینه یئتیریلیب، حتی داها آرتیق نتیجه الده اولونوب.

نوبتی مرحله‌ده ملکی اینفراستروکتورا ضربه‌لرین ائندیریلمه‌سی گؤزلنیلیردی کی، بو دا آرتیق ساده وطنداشلارین وضعیتینی چتینلشدیره‌جکدی. بو مقام‌دا ترامپ دایاندی و دوزگون قرار وئردی. چونکی بو، آرتیق ایرانین حربی قوه‌لرینه دئییل، ملکی اهالی‌یه جدی تأثیر گؤستره‌جکدی».

نمازووون فکرینجه، ایکینجی سبب عملیاتلارین اینتنسیولییی ایله باغلیدیر:

«پنتاگون خواهش ائتدی کی، ۳۸ گون آردیجیل داوام ائد‌ن عملیاتلاردان سونرا هیئت دییشدیریلمه‌لی، تکنیکا تعمیر اولونمالیدیر. بونا واخت لازیم‌دیر. محاربه فاکتیکی اولاراق بیرطرف‌لی آپاریلیردی. تهرانین سماسین‌دا آمریکا و اسرائیل قیریجیلاری اوچور، بمباردمانلار حیاتا کئچیریردی. ۱۳۰۰ حربی اوبیکتین وورولماسی ایله بو مرحله باشا چاتیب».

اوچونجو سبب ایسه هرمز بوغازینداکی وضعیتله علاقه‌لندیریلیر:

«محاربه باشلایان‌دان ایران هرمز بوغازینی باغلامیشدی. اورادا ۸۰۰-ا یاخین مختلف اؤلکه‌لره مخصوص گمی و تخمیناً ۲۰ مین دنیزچی ایلیشیب قالمیشدی. اونلار فاکتیکی اولاراق ایرانین گیرووونا چئوریلمیشدی. همین اراضی‌ده ضربه ائندیریلمه‌سی چوخسایلی انسان تلفاتینا سبب اولا بیلردی. بونا گؤره ده ترامپ حساب ائتدی کی، اولجه هرمز بوغازی آچیلمالی، انسانلار تهلوکه‌سیز شکیلده چیخاریلمالیدیر. بوندان سونرا حربی عملیاتلاری داوام ائتدیرمک و داها آغیر ضربه‌لر ائندیرمک ممکن اولا بیلر».