سیزه ایکی عینی گؤرونه‌ن خریطه تقدیم ائدیرم. بیرینجی خریطه – ساری رنگلی اولان. بو خریطه‌ده هئچ بیر «آرمنی» یازیسی یوخ‌دور. اورادا نه وار؟ عبری، آلبانی و اونلارین جنوبوندا «ساکاسنی» و «کاسپی» طایفالاری. دقت یئتیرین: آلبانیا اراضی‌سینده «ساکاسنی» آدی یازیلیب. بو، او دئمکدیر کی، بو بؤلگه هله آنتیک دورده تورک اولان ساک-سکیف طایفالارینین یوردو اولوب. بونو تاریخ اؤزو دئییر.

ایکینجی خریطه – آغ-قارا اولان. بورادا عینی یئره، یعنی عبری و آلبانیانین جنوبونا، آراز چایینین آشاغیسینا «آرمنی» سؤزو علاوه ائدیلیب. بیردن-بیره هارادان چیخدی بو آد؟
ایندی گلین ساختانی اوزه چیخاراق.

بیرینجی خریطه اوریژینالدیر. بو، استرابونون «جغرافیا» کتابیندا یازدیقلارینا اساساً ۱۹-جو-۲۰-جی عصرلرده چکیلمیش رکونستروکسییا خریطه‌سیدیر. عالملر استرابونون متنلرینی اوخویوب، اونلاری ویزوالا چئویریبلر. بودور اصل تاریخ.

ایکینجی خریطه‌ده ایسه «آرمنی» یازیسینین شریفتی، اؤلچوسو و دوروشو باشقا آدلاردان تمامیله فرقله‌نیر. بونو گؤزله گؤرمک اولار. او بیری آدلار عینی مایلی شریفتده‌دیر، اما «آرمنی» داها توند، داها قالین و باشقا بوجاق آلتیندا یازیلیب. اوسته‌لیک، دوزدور، افقی شکل‌ده یئرلشدیریلیب – حالبوکی خریطه‌ده‌کی بوتون طایفه آدلاری چایلارا، داغلارا اویغون ایری خطله یازیلیب. بو، سؤزون سونرادان علاوه ائدیلدیینی آچیق گؤستریر.

بیر ده تفرعاتا باخین. شکلی بؤیودنده گؤرجکسینیز کی، «آرمنی» سؤزونون اطرافینداکی پیکسللر باشقا جوردور. اوریژینال کاغذ اوزرینده یازیلماییب، رقمسال مداخله اولوب.

خریطه‌ده‌کی آدلار – «آلبانی»، «عبری»، «سیراکس»، «اوتیی»، «کاسپی»، «لگا» – بونلارین هامیسی استرابونون ۱۱-جی کتابین‌دا، قافقاز بؤلمه‌سینده تصویر ائتدیی جغرافیایا تام اویغوندور. آوروپا عالملری ۱۹-جو عصرده بو متنلری اوخویوب، اونلارین اساسین‌دا بو خریطه‌نی چکیبلر و امضالاری ایله تصدیق ائدیبلر کی، بوتون آدلار و جغرافی مؤقع دوزگوندور.

اما ایکینجی خریطه‌ده‌کی "آرمنی" یازیسی نه جغرافی یئردییشمه باخیمیندان، نه ده ویزوال اولاراق اوریژینالا اویغون گلیر. پئشه‌کار عالملر ده بونو تصدیق ائدیر: بو، سونرادان علاوه ائدیلمیش ساختاکارلیقدیر.

بیر ده قید ائدیم: استرابونون انگیلیس‌دیللی نشرلریندن ه. گ. بوهن نشریاتینین ۱۸۵۰-۱۸۹۰-جی ایللرده چاپ ائتدیی وئرسییالار آکادمیک دنیادا اعتبارلی ساییلیر. ساری رنگلی خریطه محض او نشرلره عایددیر – هئچ بیر مداخله یوخ‌دور. آغ-قارا وئرسیا ایسه اینترنتده یاییلان، جدی تاریخ‌چیلر طرفیندن قبول ائدیلمه‌یه‌ن ساختا تصویردیر.