مسکوا ایرانین زنگینلشدیریلمیش اوران احتیاطلارینین اؤلکه‌دن چیخاریلماسینا و داشینماسینا تکنیکی دستک وئرمه‌یه حاضردیر.

Axar.az خبر وئریر کی، بو باره‌ده روسیانین «روس‌آتوم» دولت نووه شرکتینین باش دیرکتورو آلکسی لیخاچئو بیلدیریب.

لیخاچئوین سؤزلرینه گؤره، آمریکا و ایران آراسین‌دا ممکن راضیلاشمادا اساس مسئله یالنیز تکنیکی چتین‌لیکلر دئییل، هم ده قارشی‌لیقلی اعتباردیر.

"روسیا تهرانلا بو ساحه‌ده مثبت امکداشلیق تجربه‌سینه مالکدیر و ۲۰۱۵-جی ایلده ایرانین خواهیشی ایله زنگینلشدیریلمیش اورانین چیخاریلماسین‌دا آرتیق اشتراک ائدیب. روسیا ایندی ده اوخشار فورمادا یاردیم گؤسترمه‌یه حاضردیر"_ او، وورغولاییب.

معلوماتا گؤره، داها اول آمریکا پرزیدنتی دونالد ترامپ ایرانلا راضیلاشمانین «چوخ یاخین» اولدوغونو و تهرانین تخمیناً ۴۴۰ کیلوگرام یوکسک زنگینلشدیریلمیش اورانی تحویل وئرمه‌یه راضی اولدوغونو ادعا ائدیب.