ایرانین ارمنستان‌داکی سفیری خلیل شیرغلامی اؤتن گون ایروان‌دا کئچیردیی مطبوعات کنفرانس‌یندا علی خامنه‌اینین وداع مراسمین‌ده آذربایجان و تورکییه‌نین اشتراکی ایله باغلی آچیقلاماسی بیرمعنالی قارشی‌لانا بیلمز. البته، سفیر بو سؤزلری ارمنی ژورنالیستین قصدله وئردیی سوالا جوابین‌دا دئییب، اما دیپلماتین ایشلتدیی بعضی افاده‌لر دوشوندوروجودور.

شیرغلامی بیلدیریب کی، هر بیر اؤلکه ایرانین عالی لیدری علی خامنه‌ای ایله وداع مراسمین‌ده هانسی سویه‌ده اشتراک ائدجیینه اؤزو قرار وئریب:

«ایران وطنداشی اولاراق دئیه بیلره‌م کی، بیز بو تدبیرده علیئو و اردوغانین (آذربایجان و تورکییه پرزیدنتلری - رئد.) شخصاً اشتراکینی گؤزلییردیک. تورکییه و آذربایجان نماینده هیتلرینی گؤندردیلر، اما بو فاکت تاریخی یادداشدا قالاجاق».

شیرغلامی علاوه ائدیب کی، تورکییه بو تدبیرین آنکارادا کئچیریلن ناتو سامیتینه چوخ یاخین باش وئردیینی و اؤلکه پرزیدنتینین بونا حاضرلیقلا مشغول اولدوغونو و بونا گؤره ده خامنه‌اینین وداع مراسمین‌ده اشتراک ائده بیلمدیینی بیلدیریب. آذربایجانین لیدر سویه‌سین‌ده اشتراک ائتمه‌مه‌سی ایله باغلی ایسه شیرغلامی هئچ نه دئمه‌ییب.

ایران سفیرینین «بو فاکت تاریخی یادداشدا قالاجاق» سؤزلرینه گؤره بونا جواب وئریلمه‌سی واجیب‌دیر.

۲۰۰۳-جو ایلده آذربایجانین عموم ملی لیدری، دنیانین نهنگ سیاستچیلریندن و اس.اس.ار.ای-نی اداره ائد‌نلردن بیری کیمی تاریخه دوشن حیدر علیئوله وداع مراسیمین‌ده کیملر اشتراک ائدیب؟

باخاق: روسیا پرزیدنتی ولادیمیر پوتین، تورکییه پرزیدنتی احمد نجدت سزر، باش ناظر رجب طیب اردوغان، اوکراینا پرزیدنتی لئونید کوچما، قازاخیستان پرزیدنتی نورسلطان نازاربایئو، مولدووا پرزیدنتی ولادیمیر وورونین، گرجستانین سابق پرزیدنتی ادوارد شواردنادزه، گرجستان پرزیدنتی وظیفه‌سینی اجرا ائد‌ن نینو بورجانادزه، مسکوا مری یوری لوژکوو و س.

حیدر علیئوین دفن مراسمین‌ده ایرانی پرزیدنتین بیرینجی معاوینی رضا عاریف تمثیل ائدیب.

ایران آذربایجانین عموم ملی لیدرینین دفن مراسمینه ان یوکسک سویه‌ده - اؤلکه‌نین لیدری سویه‌سین‌ده قاتیلماییب، حتی ایران پرزیدنتی ده گلمه‌ییب، یالنیز موعاوینی اشتراک ائدیب. ایران‌دا پرزیدنتین صلاحیتینی نظره آلساق، پرزیدنتین بیرینجی معاونینین رئال‌لیقدا اداره ائتمه ایرارخیاسیندا ایلک بئش‌لیک‌ده اولمادیغی بللی‌دیر.

یعنی شیرغلامینین سؤزو ایله دئسک، ذاتاً ۲۰۰۳-جو ایلده ایرانین حیدر علیئوین دفن مراسیمینده اشتراک فاکتی «تاریخی یادداشا یازیلمیشدی».

عینی زمان‌دا آذربایجان علی خامنه‌اینین وداع مراسمین‌ده هئچ ده آشاغی سویه‌ده تمثیل اولونماییب: پارلامنت صدری، باش ناظرین معاوینی و خارجی ایشلر ناظری ده داخیل اولماقلا، خصوصی نماینده هیتی تهرانا گئتمیشدی. بو، ایران پرزیدنتینین معاونی سویه‌سین‌ده تمثیل‌چی‌لیکدن داها یوکسک هیئت‌دیر.

دیگر طرف‌دن، بو ایلین ۲۸ فئورالین‌دا ایرانین عالی رهبری علی خامنه‌ای اؤز اقامتگاهیندا آمریکا و اسرائیلین هوا هجوملاری نتیجه‌سینده هلاک اولان‌دان سونرا آذربایجان پرزیدنتی الهام علیئو ۴ مارت‌دا ایرانین آذربایجان‌داکی سفیرلیینه شخصاً گئده‌رک، باشساغلیغی وئردی. آمریکا/اسرائیل و ایران محاربه‌سینین ان قیزغین چاغیندا، آمریکا ایله مناسبتلر یوکسک سویه‌ده اولدوغو حال‌دا الهام علیئو بو آددیمی آتدی و علی خامنه‌اییه گؤره ایران سفیرلیینه گئدیب، باشساغلیغی وئرن ایلک و یگانه دولت باشچی‌سی اولدو.

همین گونلرده ایرانین ارمنستان‌داکی سفیری ندنسه بو فاکتی خصوصی وورغولاییب، الهام علیئوین بو جسارتلی آددیمینین «تاریخی یادداشا یازیلدیغینی» دیله گتیرممیشدی – تأسف کی!

هئچ اولماسا، اؤتن گون ارمنی ژورنالیستین سوالینا جواب وئررکن، الهام علیئوین بو آددیمینی خصوصی وورغولاییب، «تاریخی یادداشینی» تزه‌لیه بیلردی...