آمریکانین نفوذلو «نشنال اینترست» ژورنالیندا تهلوکه‌سیزلیک مسئله‌لری اوزره آنالیتیک هاریسون کاسین قلمه آلدیغی «ارمنستان نیه آذربایجان ایله هوا محاربه‌سینده غالب گله بیلمز؟» آدلی مقاله‌ده آذربایجانین حربی اوستونلویو گئنیش تحلیل اولونور.

Axar.az خبر وئریر کی، بو باره‌ده آراشدیرماچی ژورنالیست ائلبیی حسنلی قید ائدیب.

«مؤلف حساب ائدیر کی، ایکینجی قاراباغ محاربه‌سی معاصر محاربه‌لرین کاراکترینی دییشه‌ن اساس حادثه‌لردن بیری اولدو. اونون فکرینجه، آذربایجانین پیلوتسوز اوچوش آپاراتلاری، کامیکادز درونلار و رادیوالکترون مبارزه واسطه‌لریندن استفاده ائتمه‌سی سونرادان اوکراینا محاربه‌سینده ده تطبیق اولونان یئنی حربی مدلین ایلک نمونه‌لریندن بیری ایدی.

مقاله‌ده وورغولانیر کی، آذربایجان سون ایللرده اردوسونو تورکیه و اسرائیل استحصالی اولان معاصر تخنولوگییالار اساسیندا یئنیدن قوروب. «بایراقدار تب۲»، «هاروپ» و دیگر پیلوتسوز سیستملر آذربایجانین دؤیوش کونسپسیاسینین اساسینی تشکیل ائدیر. ارمنستان ایسه اساساً سووئت دوروندن قالان حربی دوکترینایا و کؤهنلمیش هوا هجوموندان مدافعه سیستملرینه آرخالانماقدا داوام ائدیر.

هاریسون کاس یازیر کی، آذربایجانین اوستونلویو یالنیز سلاحلارین ساییندا دئییل. اساس فرق حربی دوشونجه طرزینده‌دیر. باکی معاصر محاربه‌نی پیلوتسوز سیستملر، دقیق ضربه‌لر، فاصله‌سیز مشاهده و الکترون مبارزه اوزرینده قوردوغو حالدا، ارمنستان کلاسیک هوا دؤیوشو مدلیندن تام اوزاقلاشا بیلمه‌ییب.

مؤلف همچنین آذربایجانین اقتصادی و دموگرافیک اوستونلوکلرینه ده دقت چکیر. تخمیناً ۱۰،۷ میلیون اهالیسی و داها بؤیوک اقتصادی پوتنسیالی آذربایجانا مدافعه‌یه داها چوخ وسایت یاتیرماغا امکان وئریر. بوندان علاوه، تورکیه و اسرائیلله استراتژی حربی امکداشلیق باکینین اوستونلویونو داها دا گوجلندیریر.

مقاله‌نین یکون نتیجه‌سی بیرمعنالی‌دیر. مؤلف حساب ائدیر کی، کناردان جدی حربی مداخله اولمادیغی تقدیرده، ارمنستانین آذربایجانلا یئنی هوا محاربه‌سینده اوستونلوک گازانماق شانسی سون درجه ضعیفدیر. آذربایجانین پیلوتسوز سیستملره اساسلانان معاصر حربی مودلی اونا هوا مکانیندا قیسا مدتده اوستونلوک الده ائتمک امکانی وئریر.

اصلینده، بو مقاله تکجه آذربایجان و ارمنستان حاقیندا دئییل. او، هم ده غربده فورمالاشان یئنی یاناشمانی گؤستریر. آرتیق ۲۰۲۰-جی ایل قاراباغ محاربه‌سی لوکال مناقشه کیمی دئییل، ۲۱-جی عصر محاربه‌لرینین یئنی مدلینی نمایش ائتدیرن حادثه کیمی قیمتلندیریلیر. مؤلفین فکرینجه، بو مودل سونرادان اوکراینا جبهه‌سینده ده اؤز تصدیقینی تاپدی و معاصر حربی استراتگیالارین انکشافینا جدی تأثیر گؤستردی»، - او وورغولاییب.