آذربایجان آمریکا ایله ایران آراسینداکی مناقشه‌یه تئزلیکله سون قویولماسینا امید ائدیر.

Axar.az خبر وئریر کی، بونو پرزیدنت الهام علیئو شوشادا "صلحون تشویقینده مئدیانین میسیاسی: حقیقتین برپاسی و اعتمادین یئنی‌دن قورولماسی" موضوع‌سون‌دا کئچیریلن ۴-جو شوشا گلوبال مئدیا فورومونون آچیلیش مراسیمینده چیخیشی زمانی دئییب.

دولت باشچی‌سی قید ائدیب کی، آذربایجان دئمک اولار کی، محاربه‌نین مرکزینده‌دیر:

"حاضردا بیزیم هم شمالیمیزدا، هم ده جنوبوموزدا اولان قونشو اؤلکه‌لرین هر ایکی‌سی محاربه شرایطینده‌دیر. بو دا بیزیم اؤلکه‌میزین قورونماسی باخیمیندان ناراحاتلیق دوغورور. عینی زمان‌دا الیمیزدن گلنی ائدیریک کی، رگیون‌دا صلح اولسون، بو مناقشه‌یه، قان تؤکولمه‌سینه سون قویولسون. خصوصاً ده بو مسئله‌ده پاکستانی، دوستوم شهباز شریفی قید ائتمک ایستییرم. اونلار واسطه‌چیلیک باخیمیندان آمریکا و ایران آراسین‌دا بؤیوک ایش گؤروبلر. تأسف کی، بو، چوخ چکمه‌دی. آنجاق یئنه ده امید ائدیره‌م کی، حاضرکی مناقشه‌نین یئنی‌دن باشلانماسی اوزون مدت‌لی اولمایاجاق. تئزلیکله مناقشه‌یه سون قویولماسینا امید ائدیره‌م. امینم کی، صلح ممکن‌دور. اما بو گون نیه‌سه پروگنوز وئرمک چتین‌دیر".