یاخین شرق‌ده‌کی سون حربی حرکتلیلیین خریته‌سی رگیون‌دا کفایت قدر آیدین، بیر او قدر ده تهلوکه‌لی مدلین فورمالاشدیغینی گؤستریر. ایرانین جنوب ساحللری – خصوصیله چابهاردان کنارکه، بندر-عباس‌دان فارس کؤرفزینین ایستراتژی آدالارینا قدر اولان گئنیش زونا – آرتیق آکتیو آتش خطینه چئوریلیب. بو منظره قارشی‌سیندا اساس‌لی بیر سوال یارانیر: هجوم ائد‌ن طرفلر حربی گوجلرینی نیه محض جنوب ساحللرینده جمع‌لشدیریبلر؟ بو اینتنسیو ضربه‌لر ایری‌مقیاس‌لی قورو عملیاتینین آنونسودور، یوخسا تهرانین ایستراتژی قوللارینی ایفلیج ائتمه‌یه یؤنلمیش مرکب بیر گئوسیاسی گئدیش؟

اکسپرتلرین و حربی آنالیتیکلرین رای‌لری گؤستریر کی، ایرانین جنوب ساحل خطینین هدف سئچیلمه‌سی اصلا تصادفی دئییل. بو رگیون فارس کؤرفزینده‌کی حربی و اقتصادی گوج بالانسینین اوریی حساب اولونور. هجوم ائد‌ن گوجلر بو جغرافیادا اوچ ایستراتژی هدف گودورلر. ایلک نوبه‌ده، ایرانین هوا هجوموندان مدافعه سیستملرینی «کور ائتمک» ایستییرلر. چونکی اؤلکه‌نین جنوب زوناسی ان مهم ائرکن خبردارلیق رادارلارینا و راکت‌دن مدافعه کومپلکسلرینه، ائلجه ده راکت بوراخیلیش قورغولارینا ائو صاحب‌لییی ائدیر؛ بو شبکه‌نین ضعیفلدیلمه‌سی داخلی رایونلارا هاوادان نفوذ ائتمیی آسانلاشدیریر.

ایکینجی اساس مقصد هرمز بوغازینا نظارتدیر. هوا ضربه‌لری ایله ایرانین نفت تانکرلرینی اله کئچیرمک و یا ساحل‌دن دنیزه راکت آتماق امکانلاری نیتراللاشدیریلیر، بئله‌لیکله دنیا تجارتینین بو اساس ماگیسترالی اوزرینده نظارتی گئری قایتارماغا چالیشیرلار.

نهایت، بو ضربه‌لر بیرباشا اقتصادی بلوکادا مقصدی داشیییر. جنوب‌داکی لیمانلار و نفت ترمیناللاری ایرانین سانکسیالاردان قاچیش خطی‌دیر. بو اینفراستروکتورون سیرادان چیخاریلماسی بین‌الخالق قطعنامه‌لره احتیاج اولمادان تهرانی تام اقتصادی تجرید وضعیتینه سالماق دئمکدیر.

هجوملارین اینتنسیولشمه‌سی فونوندا مئدیانین گونده‌مینه گلن «ایرانین جنوبونون قورو یولو ایله اشغالی» سناری‌سی ایسه حربی پلانلاشدیریجیلار طرفین‌دن قطعیتله رد ائدیلیر. نفوذلو بئیین مرکزلرینین آنالیتیکلری وورغولاییرلار کی، ایران اراضی‌سینه قورو قوشونلاری ایله داخل اولماق ساده‌جه لوجستیک بیر انتحاردیر. اؤلکه‌نین چتین جغرافییاسی، گئنیش اراضی‌سی و ایستراتژی درین‌لییی هر هانسی بیر قورو محاربه‌سی سناری‌سینی تمامیله ماسادان قالدیریر. ساحلین کیچیک بیر حصه‌سینی بئله اله کئچیرمک اون مینلرله عسگرین ریسکه آتیلماسی و آغیر جانلی قوه ایتکی‌سینین قبول ائدیلمه‌سی دئمک‌دیر. محض بونا گؤره ده خارجی گوجلر «اوزاقدان اداره اولونان توکندیرمه کامپانییاسی»نا اوستونلوک وئریرلر. استراتگیانین اساس ماهیتی قورو قوشونلارینی جلب ائتمه‌دن، یالنیز هوا و دنیز ضربه‌لری ایله هدفه چاتماقدیر.

لاکین بو حربی دکترینا اولگوج اوزرینده گزینتی کیمی‌دیر؛ هجوم ائد‌ن طرفلره بعضی موقتی اوستونلوکلر گازاندیرسا دا، جدی ریسکلر ده گتیریر. تاکتیکی باخیم‌دان پیلوتسوز اوچوش آپاراتلارینین آنقارلارینین و راکت بوراخیلیش قورغولارینین محو ائدیلمه‌سی ایرانین دنیزده‌کی چئویک رئاکسیا امکانینی موقتی ایفلیج ائدیر. اوسته‌لیک، اوزاق منزیل‌لی راکتلردن و پوا-لاردان استفاده انسان ایتکی‌سینی صیفیرا ائندیردیی اوچون هجوم ائد‌ن اؤلکه‌لرین داخلی سیاستین‌ده آنتی-محاربه تضییقلرینین قارشی‌سینی آلیر؛ بیر نوع «تابوتسوز محاربه» مدلی تطبیق اولونور. ایستراتگییانین قارشی‌سینداکی ان بؤیوک مانعه ایسه ایرانین «راکت شهرلری» کابوسودور. تهرانین راکت آرسنالینین بؤیوک حصه‌سی داغلارین و یئرآلتی تونل‌لرین درینلیینده گیزلدیلیب. عادی بمبالارا داواملی اولان بو سیغیناجاقلاردا بوراخیلیش قورغولارینین یئرینی سرعتله دییشه‌رک یئنی‌دن جواب آتشی آچماق امکانی وئریر.

محاربه‌لرین تاریخی ثبوت ائدیر کی، تکجه هوا بمبالامالاری هئچ بیر حکومتی تسلیم اولماغا مجبور ائتمه‌ییب، عکسینه، جمعیت‌ده داخلی همرای‌لییی و مقاومت حسینی آرتیریب. دیگر طرفدن، ایرانین الین‌ده هله ده سو یوللارینین گیزلی مینالانماسی، کامیکادزه قاییقلار و رگیونال کیبرتهدیدلر کیمی کسکین جواب کارتلاری وار. بو عامللرین ایشه دوشمه‌سی گلوبال نفت بازاریندا کسکین قیمت آرتیمینا و گلوبال اقتصادی بحرانا یول آچا بیلر.

نتیجه اعتباریله، «اشغال‌سیز بمبالاما» تاکتیکاسی قورو محاربه‌سینین رئاللیغیندان بیر نوع قاچیش جهدی‌دیر و طرفلری اورتامدت‌لی پرسپکتیوده سون‌سوز بیر آسیممتریک قارشی‌دورما دورونه سوروکلییر. بو قانلی شاهمات اویونوندا غالیب گلن ان چوخ بمبا آتان طرف دئییل، توکندیریجی و سونو گؤرونمه‌یه‌ن بیر دؤیوشده دؤزوملولوک رسورسلاری داها چوخ اولان طرف اولاجاق.