ایران اسلام رسپوبلیکاسینین کشفیات ناظیرلیی طرفیندن بعضی خارجی مدیا سوبیکتلری، او جمله‌دن آذربایجان رسپوبلیکاسینین دولت تلویزیا کانالی اولان آذ ت.و-نین «دشمن مدیا قوروملاری» سیاهی‌سینا داخل ائدیلمه‌سی و همین قوروملارلا امکداشلیق ائد‌ن شخصلرین جنایت مسئولیتی ایله هده‌له‌نمه‌سی تعجب دوغورور.

Axar.az خبر وئریر کی، بو باره‌ده مدیا انکشافی آگنتلیینین بیاناتیندا بیلدیریلیب.

"هئچ شبهه‌سیز کی، آذربایجان رسپوبلیکاسی ژورنالیستلرین پئشه فعالیتینین مدافعه‌سینه صادق اولماقلا یاناشی، قارشی‌لیقلیلیق پرینسیپینین تطبیقینی ده تامین ائدیر. بئله کی، «مدیا حاقین‌دا» آذربایجان رسپوبلیکاسی قانونونون ۱۱.۴-جو مادده‌سینه اساساً، مدیا ریسترینه داخل ائدیلمیش ژورنالیستلرین پئشه فعالیتینین حیاتا کئچیریلمه‌سینه دیگر دولتلر طرفیندن خصوصی محدودیتلر قویولدوقدا همین محدودیتلری تطبیق ائتمیش دولتین ژورنالیستلرینه آذربایجان رسپوبلیکاسیندا دا عینی محدودیتلر قویولا بیلر. موافق ماددنین طلبلری و قارشی‌لیقلیلق پرینسیپی نظره آلیناراق، آذربایجان رسپوبلیکاسینین ملی ماراقلارینا ضد فعالیت گؤسترن، اؤلکه‌میزین سووئرنلیی، کونستیتوسیا قورولوشو، اراضی بوتؤولویو و ملی تهلوکه‌سیزلیی علیه‌اینه تبلیغات آپاران مدیا سوبیکتلرینین - «سحر» تله‌کانالی و «مهر» خبر آگنتلیینین، همچنین بو سوبیکتلرین نماینده‌لرینین آذربایجان رسپوبلیکاسی اراضی‌سینده فعالیتی قانونسوز حساب ائدیلیر.

آذربایجان رسپوبلیکاسیندا فعالیت گؤسترن بوتون مدیا سوبیکتلرینی و ژورنالیستلری اؤلکه‌میزین ملی ماراقلارینا قارشی فعالیت گؤسترن یوخاریدا آدلاری چکیله‌ن مدیا قوروملاری و اونلارین علاقه‌لی نماینده‌لری ایله امکداشلیقدان چکینمه‌یه چاغیریر، مدیا ساحه‌سینده بین‌الخالق امکداشلیغین یالنیز قارشی‌لیقلی حرمت و ژورنالیستلرین پئشه مستقللیی اساسیندا حیاتا کئچیریلمه‌لی اولدوغونو بیر داها وورغولاییریق"، - بیاناتدا قید ائدیلیب.