ایرانین اوکراینایا بیرباشا ضربه ائندیرمه‌سی احتمالی آزدیر و اونون هده‌لری اولکی حاللاردا اولدوغو کیمی، یوکسک سس‌لنن بیاناتلاردان او یانا کئچمه‌یه بیلر.

Axar.az خبر وئریر کی، بونو اوکراینالی حربی اکسپرت، اوکراینا سلاحلی قوه‌لری باش قرارگاهینین سابق سؤزچوسو ولادیسلاو سلزنیوو بیلدیریب.

"معین معنادا بو بیاناتلار بوش سؤزلردیر. باخمایاراق کی، ایران بئله مسافه‌لری قطع ائده بیلن، او جمله‌دن بالستیک راکتلره مالک‌دیر، اونلارین اوچوش ترایکتوریاسی اوچونجو اؤلکه‌لرین اراضی‌سیندن کئچمه‌لی اولاجاق. راکت سلاحینین همین اؤلکه‌لرین هوا مکانیندان استفاده ائتمکله تطبیقی ایسه فاکتیکی اولاراق سلاحلی تجاوز آکتی کیمی قیمتلندیریله بیلر"، – دئیه سلزنیوو قید ائدیب.

اونون سؤزلرینه گؤره، بو حال‌دا راکتلر ایرانلا قونشو اؤلکه‌لرین هوا مکانین‌دان کئچمه‌لی اولاجاق. خصوصیله ده سوال یارانیر کی، آذربایجان و تورکییه بونا گؤز یومماغا حاضر اولاجاقلارمی، یوخسا دیپلماتیک و یا حتی حربی شکیل‌ده رئاکسیا وئره‌جکلر.

"من دوشونوره‌م کی، آیتوللاه رژیمینین نماینده‌لری ده بو ریسکلری نظره آلیرلار. بوش بیاناتلار ایسه اونلار اوچون عنعنوی داورانیشدیر"، – دئیه سلزنیوو وورغولاییب.

اکسپرت علاوه ائدیب کی، ایران رژیمینین نماینده‌لری هر دفعه اوکراینانی اتهام ائتمه‌یه چالیشیرلار:

"گویا اوکراینانین حرکتلری سببین‌دن ایتکیلر وئریرلر. اما اؤزلرینین روسیا اوردوسونون اساس دستکچیلریندن بیری اولدوقلارینی گیزلدیرلر. ایران روسیایا، خصوصیله ده هر گئجه دینج اوکراینالیلاری اؤلدورمک اوچون استفاده اولونان »شاهد» پیلوتسوز اوچوش آپاراتلارینی تدارک ائدیر. بونا گؤره ده بوتون بو صحبتلر ساده‌جه تبلیغات کاراکتئری داشیییر. ایرانین اوکراینایا قارشی سلاحلی تجاوز آکتینا گلینجه ایسه، منیم بونونلا باغلی جدی شبهه‌لریم وار. آیدیندیر کی، نیی‌سه ایسته‌مک باشقا مسئله‌دیر، بونا رئال امکانین اولماسی ایسه تمامیله باشقا مسئله‌دیر".