من ایرانین خارجی ایشلر ناظیری عباس عراقچی ایله صمیمی صحبت اوچون زنگ ائتدیم. دیپلماتیا، حتی چتین اولسا بئله، بیرباشا دیالوگ دئمکدیر.

Axar.az خبر وئریر کی، بو سؤزلری اوکراینا خارجی ایشلر ناظیری آندری سیبیگا سوسیال شبکه حسابیندا یازیب.

«مقصدیمیزین لازمسیز اسکالاسیانین قارشیسینی آلماق اولدوغونو وورغولادیم. تصدیقلدیم کی، بوتون اوکراینا حرکتلری یالنیز اؤلکه‌میزی روسیانین تجاوزوندن قوروماغا یؤنلیب و هئچ واخت ملکی گمیلره و یا انسانلارا قارشی دئییل. بو، ایرانین سون حادثه‌ده هدفه آلینان ملکی گمی ایله باغلی آچیقلامالارینا دا عایددیر. مقصدیمیز بوتون حادثه‌لرین اساس سببی اولان روسیا تجاوزونه قارشی چیخماقدیر و بوتون تخریباتلار و ایتکیلره گؤره روسیا تام مسئولیت داشییر. اسکالاسیایا دوغرو هر هانسی بیر آددیمدان چکینمیین و روسیانین اوکراینایا قارشی محاربه‌سینه بوتون دستیی دایاندیرماغین واجبلیینی وورغولادیم. بو محاربه قانونسوزدور و بیتمه‌لیدیر. بیزیم موقعییمیز دییشمز اولاراق قالیر: آوروپا و یاخین شرق ثابتلییه، تهلوکه‌سیزلییه و صلحه لایقدیر»، - سیبیگا بیلدیریب.

قید ائدک کی، اوکراینا روسیا و ایران آراسین‌دا سلاح داشینماسی ایله مشغول اولان ایران یوک گمیسینی خزر دنیزینده ووروب. نتیجه‌ده بیر نفر اؤیوب، ۲ نفر یارالانیب. ایران بونا کسکین اعتراض ائدیب و نتیجه‌سی ایله باغلی اوکراینانی هده‌له‌ییب.

بعضی منبعلر ایرانین اوکراینایا ضربه‌یه حاضیرلاشدیغی حاقدا ادعا دا سسلندیریب.