آذربایجان، قازاخیستان، قیرغیزیستان، تورکیه و اؤزبکیستان واحد انگلیس دیلی بیلیی تستی — اتوتس (تورک دولتلری اوچون انگلیس دیلی تستی) یاراتماق باره‌ده راضیلیغا گلیبلر.

Axar.az خبر وئریر کی، موافق مموراندوم بئش اؤلکه‌نین ملی تست مرکزلری طرفیندن آستانادا کئچیریله‌ن "سرعتله دییشه‌ن دنیادا قبول امتحانلاری" بین‌الخالق کنفرانسین‌دا امضالانیب.

یئنی سیستم اشتراکچی اؤلکه‌لرده امتحان سواللارینین حاضرلانماسی، تستلرین کئچیریلمه‌سی، بیلیکلرین قیمتلندیریلمه‌سی و نتیجه‌لرین تانینماسی اوچون واحد یاناشمالار تامین ائدیر.

تشببوس تهلوکه‌سیز کمپوتئر اساسلی تستلرین تشکیلینی، سواللار اوزره پسیخومتریک کیفیت یوخلامالارینین آپاریلماسینی و امتحان نتیجه‌لرینین قارشی‌لیقلی تانینماسی مخانیزملرینین حاضرلانماسینی نظرده توتور.

قازاخیستان ملی تست مرکزینین دیرکتورو نورسعید بایجانوون قید ائتدیی کیمی، اتوتس تورک دولتلرینین تحصیل سیستملری آراسیندا اعتیمادی گوجله‌ندیرمک و آکادمیک موبیللیک امکانلارینی گئنیشله‌ندیرمک استقامتینده مهم آددیم اولاجاق.

یئنی امتان موجود بین‌الخالق انگلیس دیلی تستلرینی عوض ائتمه‌یه‌جک، عکسینه، دیل بیلیینین قیمتلندیریلمه‌سی اوچون علاوه رگیونال واسطه کیمی خدمت ائد‌جک.

مموراندوم دیگر تورک دولتلرینین ملی قیمتله‌ندیرمه تشکیلاتلارینین دا قوشولماسی اوچون آچیقدیر.