آپرئل‌ده آذربایجان و ائرمنیستان قوشونلارینین قارشی‌دورما خطین‌ده‌کی حربی فعالیت بؤیوک سای‌دا تلفاتا سبب اولدو و نوماییش ائتدیردی کی، موناقیشه‌نین حربی یوللا حلی یوخ‌دور.

بو باره‌ده ترئند-ا آوروپا تهلوکسیزلیک و امکداشلیق تشکیلاتینین مینسک قروپونون آمئریکالی همصدری جئیمس اوورلیک بیلدیریب.

اونون سؤزلرینه گؤره، آپرئل‌ده‌کی قارشی‌دورمادان سونرا طرفلر عمومی‌لیک‌ده آتشکس رئژیمینه رعایت ائدیرلر:

"آرتیق دانیشیقلار ماساسین‌دا تکلیفلر وار. بو تکلیفلر موناقیشه‌نین حلینه گتیریب چیخارا بیلر. بیز بو ایل، او جمله‌دن ویانا و سانکت-پئطئربورگ گؤروشلرین‌ده دانیشیقلاردا ایرلیلییشه نایل اولماق اوچون یئنی جهدلر گؤردوک. اومید ائدیریک کی، طرفلر پروسئسی ایرلی لتمک اوچون گله‌جک‌ده ده کونستروکتیو ایشله‌یه‌جکلر".

دیپلوماتین سؤزلرینه گؤره، دونالد ترامپین پرئزیدئنت‌لیگی دؤورون‌ده داغلیق قاراباغ موناقیشه‌سینین نیظاملانماسی ایله باغلی وضعیتین نئجه اینکیشاف ائدجیینی ایندی‌دن دئمک چتین‌دیر:

"شوبهه ائتمیرم کی، آمئریکا بیرلشمیش شتاتلاری حاکمیتی همصدر اؤلکه‌لرین کمکی ایله موناقیشه‌نین صولح یولو ایله حلینه صادق قالاجاق".

اوورلیک قئید ائدیب کی، اونون دئکابرین ۳۱-دن پوستونو ترک ائدجیی ایله علاقه دار اولاراق، یئنی آمئریکالی همصدرین آدی یاخین گله‌جک‌ده معلوم اولاجاق.