ارمنیستاندا فوق العاده حادثه باش وئرمدیی حالدا، بؤیوک احتیماللا، سرژ سارکیسیانین رئسپوبلیکاچیلار پارتییاسی پارلامنت‌ده چوخلوغو قورویوب ساخلایا بیله‌جک.

بو سؤزلری آخار. آذ-آ آچیقلاماسیندا پولیتولوگ، میللت وکیلی راسیم موسی بیوو دئییب. میلت وکیلی ارمنیستاندا بو ایل باش توتاجاق پارلامنت سئچکیسینه روسییانین مداخیله‌سینی استثنا ائتمه‌ییب:

«دوزدور، حاضردا مخالیفت فعاللاشیب. آنجاق ارمنیستان‌دا فوق العاده حادثه باش وئرمه‌سه، بؤیوک احتیماللا، سرژ سارکیسیانین رئسپوبلیکاچیلار پارتییاسی پارلامنت‌ده چوخلوغو قورویوب ساخلایا بیله‌جک. سارکیسیان دا، ایندیکی باش ناظر ده بیرباشا روسییانین آدامیدیر. فاکت‌دیر کی، بو گون ارمنیستاندا روسییانین آدامی اولمایان چوخ آز سیاست‌چی وار».

قید ائدک کی، بو ایل آپرلین ۲-ده ارمنیستاندا نؤوبتی پارلامنت سئچکی‌سی کئچیریله‌جک، اؤلکه پارلامنت ایداره سیستمینه کئچه‌جک، باش ناظرین صلاحیتلری پرزیدنتدن داها چوخ اولاجاق. محض بونا گؤره ده سارکیسیان ایندیدن بوتون رقیبلرینی تمیزلییر.