آذربایجان و ایران بیرگه تیجارت آربیتراژی پالاتاسی یاراداجاقلار.

بو باره‌ده ایرانین عدلیه ناظری مصطفی پورمحمدی آذربایجانا سفرینین سونوندا ترند-ا آچیقلاماسیندا بیلدیریب.

ناظر دئییب کی، سفر زامانی طرفلر آراسیندا عدلیه ساحه‌سینده یئنی سازیشلرین ایمضالانماسی مذاکیره اولونوب: "آذربایجانلا الده ائتدییمیز راضیلاشمالارین داوامی اولاراق بو سفر باش توتدو. جناب پرزیدنت ایلهام علیئو و دیگر یوکسک وظیفه‌لی رسمیلرله گؤروشلر اولدو".

م. پورمحمدی وورغولاییب کی، ایران و آذربایجان آراسیندا علاقه‌لر سیاسی و اقتصادی ساحه‌لرده اینکیشاف ائدیر:

"سفر چرچیوه‌سینده ایران و آذربایجان طرفلری اینسان حقوقلاری، نارکوتیک واسطه‌لرین قاچاقمال‌چی‌لیغی ایله مباریزه، ائلجه ده تروریزمه قارشی مباریزه ایله باغلی بیاناتلار وئردیلر. همچینین ایکیطرفلی راضیلیق الده اولوندو کی، ایش آداملاری و اینوئستورلار آراسیندا مختلیف فیکیر آیریلیقلارینین آرادان قالدیریلماسی اوچون تیجارت آربیتراژی پالاتاسی یارادیلسین. حاضردا طرفلر راضیلاشمانین متنینی مذاکیره ائدیرلر و گله‌جک‌ده مذاکیرلر باشا چاتدیقدا ایکی اؤلکه آراسیندا موافیق سند ایمضالاناجاق".

ناظر آذربایجاندا "آسان خیدمت"، مختلیف الکترون خیدمتلر، خصوصیله عدلیه ساحه‌سین‌ده مؤجود خیدمتلری دیرلن‌دیره‌رک بیلدیریب کی، بو تجروبلردن ایراندا دا یارارلانماق اولار.

م. پورمحمدی حساب ائدیر کی، ایکی اؤلکه‌نین رهبر شخصلری آراسیندا یوکسک سوییه‌لی اعتیماد الده اولونوب: "محض بو اعتیمادین نتیجه‌سین‌ده ایران-آذربایجان مناسیبتلری اینکیشاف یولوندادیر. دیگر زیانکار قوه‌لر بو مناسیبتلره هئچ بیر منفی تأثیر گؤستره بیلمز".