گرجستان و آوروپا بیرلیی آراسیندا مؤجود اولان امکداشلیغا اساساً، بو گوندن اعتباراً گرجستان وطنداشلاری شنگئن اؤلکه‌لرینه ویزاسیز گئده بیله‌جکلر.

آخار. آذ خبر وئریر کی، تیفلیس شوتا روستاویلی بین الخالق هاوا لیمانیندا بیر آرایا گلن باش ناظر کویریکاشویلی، خاریجی ایشلر ناظری میخایل جانالیدزه، تحصیل ناظری آلکساندر ژئژلاوا، قاچقین شاگیردلر، صنعت و مدنیت نماینده‌لری و یئرلی مطبوعات منصوبلاری کویریکاشویلینین دعوتی ایله گرجستان هاوا یوللارینین طیاره‌سی ایله یونانیستانین پایتاختی آفینایا ایلک دفعه ویزاسیز سیاحت ائدیبلر.

گرجستان نماینده هیتی آفینادادان سونرا بلچیکانین پایتختی بروسسئله گئده‌جک.

قید ائدک کی، گرجستان وطنداشلارینین شنگئن اؤلکه‌لرینه ویزاسیز سیاحتی ان چوخو ۹۰ گون عرضینده باشا چاتمالیدیر