ایسته‌نیله‌ن مقامدا الوئریشلی اولمایان صولح شرطلری آذربایجان طرفیندن قبول ائدیلمه‌یه‌جک.

بو سؤزلری آخار. آذ-آ آچیقلاماسیندا سابیق دؤولت مشاویری قابیل حسینلی بیلدیریب. پولیتولوگ بیلدیریب کی، حاضردا داغلیق قاراباغ اطرافیندا گئدن مذاکیره‌لر مرککب لشدییندن بو مسئله‌یه بیر قدر احتیاطلا یاناشیلماق گرک‌دیر:

«چونکی دانیشیقلار پروسسین‌ده چوخلو ضدیتلر عمله گلیب. ارمنیستان پرزیدنتینین فرانسایا سفریندن سونرا اوللاند داغلیق قاراباغین ایستاتوسونون اؤن پلانا سالینماسینی ایر‌لی سوردو. آنجاق آذربایجان بونا قطعی اعتراض ائتدیک‌دن و پرزیدنت ایلهام عالیئوین پاریسه سفریندن سونرا بو فیکیر تکزیب ائدیلدی. سون زامانلار پاریس و مسکوانین بو مسئله‌ده یاخین‌لیغی دقت‌دن یایینمیر. ایندی ایسه روسییا کونفیدئنسیال کاراکتئرلی دانیشیقلارین ندن عبارت اولاجاغینی گیزله‌دیرسه، دئملی، آذربایجان خالقینین اعتراضینا سبب اولا بیله‌جک مقاملار وار. بو مقاملار یا داغ‌لیق قاراباغ اطرافین‌داکی رایونلارین گئری قایتاریلماسی قرافیکی ایله، یاخود دا داغ‌لیق قاراباغا ایستاتوسون وئریلمه‌سی ایله باغلی‌دیر. چونکی ایستاتوس مسئله‌سی حاضردا مزاکیرلرین ان جدی پروبلئ‌می‌دیر و قارشی‌دا دوران ان موهوم مسئله ایسه آذربایجان‌لی قاچقینلارین گئری قاییدیشی مسئله‌سی‌دیر. ائرمه‌نیلر بو باره‌ده سوسور، بیر کلمه ده دانیشمیرلار. بو نؤقتئیی-نظردن، زننیمجه، دانیشیقلاردا هیجانا سبب اولا بیله‌جک موطلق مقاملار اولدوغونا گؤره بونو کونفیدنسیاللاشدیریرلار. آنجاق ایسته‌نیله‌ن مقامدا الوئریشلی اولمایان صولح شرطلری آذربایجان طرفیندن قبول ائدیلمه‌یه‌جک».