جنوب گاز دهلیزینین ایجراسی آرتیق رئال‌لیقدیر. دوزدور، بیزه انگل تؤرتمک ایسته‌یه‌نلر ده وار. بو دا طبیعی‌دیر. بیز بونو هله ۱۰ ایل بوندان اول گؤرموشوک.

آخار. آذ خبر وئریر کی، بونو پرزیدنت ایلهام علیئو ناظیرلر کابینتینین ۲۰۱۷-جی ایلین بیرینجی روبونون سوسیال-اقتصادی اینکیشافینین یئکونلارینا و قارشی‌دا دوران وظیفه‌لره حصر اولونان ایجلاسیندا بیلدیریب.

«یادیم‌دادیر، او واخت باکی-تیفلیس-جیهان نفت کمری تیکیلن‌ده بیزیم سیاستیمیزه ضربه وورماق ایسته‌یه‌ن قوه‌لر، عینی زاماندا، ارمنی لوببی‌سی و بو لاییحه‌یه مثبت یاناشمایان بعضی دایره‌لر مختلیف یوللارلا داها چوخ ائکولوژی بهانه‌لری گتیره‌رک چالیشیردیلار کی، بیزیم ایشیمیزه زربه وورسونلار. بونا معین درجه‌ده نایل اولدولار. یادیم‌دادیر، او واخت حتی بعضی بین الخالق مالییه قوروملاری دا کردیتلشمه‌نی بیر قدر یوباتدیلار. آنجاق بونا باخمایاراق، باکی-تیفلیس-جیهان ۲۰۰۶-جی ایلده آچیلدی. بو گون ده بعضی دایره‌لر، بعضی کنار قوه‌لر چالیشیرلار کی، یئنه ده ائکولوژی بهانه‌لر گتیره‌رک جنوب گاز دهلیزینین بعضی سگمنتلرینده ایشلری یوباتسینلار. آنجاق بونون هئچ بیر اساسی یوخدور. بو، ساده‌جه اولاراق بیر بهانه‌دیر. بوتون اکولوژی نورمالار گؤزلنیلیر، بوتون مسئله‌لر راضیلاشدیریلیب. تئزلیکله جنوب گاز دهلیزینین ایستیفاده‌یه وئریلمه‌سی هم بیزیم، هم ده بو لاییحه‌ده ایشتیراک ائد‌ن و بو لاییحه‌دن گله‌جک‌ده خئییر گؤتوره‌جک بوتون طرفلر اوچون اؤنملی‌دیر. من امینم کی، ۲۰۱۷-جی ایل بو باخیمدان حل ائدیجی ایل اولاجاق و بیز گلن ایل تاناپ لاییحه‌سینین آچیلیشینی قید ائتملیییک"، - دئیه دؤولت باشچی‌سی قئید ائدیب.