آذربایجان پرزیدنتی ایلهام علیئو ایران ایسلام رسپوبلیکاسینین پرزیدنتی حسن روحانییه تبریک مکتوبو گؤندریب.
آخار. آذ مکتوبون متنینی تقدیم ائدیر:
«حؤرمتلی جناب روحانی،
ایران ایسلام رئسپوبلیکاسینین پرزیدنتی وظیفهسینه یئنیدن سئچیلمیینیز مناسیبتیله سیزی صمیمی قلبدن تبریک ائدیرم. قازاندیغینیز غلبه خالقین سیزه اولان اینام و اعتیمادینین گؤستریجیسی، دوست و قارداش اؤلکهنیزین اینکیشافی و رفاهی نامینه گؤردویونوز ایشلره وئریلن یوکسک قیمتدیر.
من آذربایجان رسپوبلیکاسی ایله ایران ایسلام رسپوبلیکاسی آراسینداکی مناسیبتلره بؤیوک اهمیت وئریرم. ایستراتژی امکداشلیق سوییهسینه یوکسلمیش مناسیبتلریمیزین موجود وضعیتی ممنونلوق دوغورور. اؤلکهلریمیز آراسینداکی سیاسی دیالوگو، مختلیف ساحهلر اوزره قارشیلیقلی ماراق دوغوران امکداشلیغی، مدنی علاقهلریمیزی، ایرانین آذربایجان رسپوبلیکاسینین اراضی بوتؤولویونه دستیینی یوکسک قیمتلندیریرم.
ایکیطرفلی علاقهلریمیز خصوصاً سون ایللرده یوکسهلهن خطله اینکیشاف ائتمیش و یئنی مظمون کسب ائتمیشدیر. سیزینله کئچیردییمیز گؤروشلر، آپاردیغیمیز دانیشیقلار، ایمضالادیغیمیز سندلر و حیاتا کئچیردییمیز لاییحهلر مناسیبتلریمیزین اینکیشافیندا مهم رول اویناییر.
اینانیرام کی، اورتاق معنوی دیرلری بؤلوشن قارداش خالقلاریمیزین منافعیینه اویغون اولاراق آذربایجان رسپوبلیکاسی ایله ایران ایسلام رسپوبلیکاسی آراسیندا علاقهلرین داها دا محکملندیریلمهسی، ایکیطرفلی و چوخطرفلی امکداشلیغیمیزین داها دا گئنیشلندیریلمهسی ایستیقامتینده بیرگه سعیلریمیزی بوندان سونرا دا داوام ائتدیرجییک.
سیزه محکهم جانساغلیغی، خوشبختلیک، دوست و قارداش ایران خالقینین رفاهی نامینه قارشیداکی فعالیتینیزده اوغورلار دیلییرم».