تورکییه‌نین "تایم تورک"، "هابرلئر"، تورکجه "ایسپوتنیک" و دیگر مطبوعات اورگانلاری بو گون آذربایجان اوردوسونون ارمنیستان اوردوسونا هوجومون‌دان یازیب.

آخار. آذ خبر وئریر کی، تورکییه مئدیاسی جبهه خطین‌ده گرگینلیین هله ده داوام ائتدیینی و آذربایجانین ارمنی اوردوسونون مؤقعلرینه ضربه‌لر ووردوغونو بیلدیریب.

تورک مئدیاسی "آذربایجان داغلیق قاراباغدا ائرمنیستان اوردوسونو ووردو"، آذربایجان ارمنیستانی ووردو" ، "آذربایجان ارمنی بیرلیکلرینی ووردو" باش‌لیقلاری آلتین‌دا معلومات یاییبلار.

قید ائدک کی، ارمنیستان طرفیندن مقصدیؤنلو شکیلده یئنی‌دن پلانلاشدیریلان تخریباتین قارشی‌سینین و آلخان‌لی کندین‌ده هلاک اولان دینج ساکینلرین قیساسینین آلینماسی اوچون ایولون ۷-ده آذربایجان سلاح‌لی قوه‌لری ائرمنیستان اوردوسونون دؤیوشه حاضرلیق وضعیتینه گتیریله‌ن قوه‌لرینه، خصوصیله ده تابورون مدافعه رایونوندا یئرلشن سئچیلمیش هدفلرینه دقیق آتش ضربه‌لری ووروب.

"جبهه‌نین فضولی-خوجاوند ایستیقامتینده‌کی قوشونلاریمیزین حیاتا کئچیردیی بو فعالیت نتیجه‌سینده، ایلکین معلوماتا گؤره، دوشمه‌نین تابور مرکزینه داخیل اولان بؤلمه‌لرین خیلی جانلی قوه‌سی محو ائدیلیب، بیر نئچه دؤیوش تکنیکاسی تمامیله سیرادان چیخاریلیب و دیگر حربی اینفراستروکتور اوبیکتلری داغیدیلاراق برپا اولونماز وضعیته سالینیب.

دینج اهالییه و شخصی هئیته قارشی دوشمنین ایسته‌نیلن فعالیتینین قارشیسینی درحال آلماق و اونون آتش نقطه‌لرینه جاواب ضربه‌لری ائندیرمک مقصدیله قوشون نؤولری و قیسملری دؤیوش تطبیقی اوچون حاضر وضعیته گتیریلیب"، - ناظرلیکدن بیلدیریلیب.