روسیانین بعضیمطبوعاتیندا آذربایجان دولتینه، خالقینا، اؤلکه رهبرلیینه و گؤرکملی شخصیتلریمیزه قارشی نالایق، تهدید کاراکترلی و تحقیرآمیز ماتریاللار و فکرلر پایلاشیلماقدادیر. حساب ائدیریک کی، بو، سیویل ژورنالیستیکا پرینسیپلرینه، ائتیک نورمالارا و انسانی دیرلره تمامیله ضیددیر. تأسف کی، روسیانین اینفورماسییا مکانین‌دا بئله حاللار آردیجیل شکیل‌ده مشاهده ائدیلیر.

Axar.az خبر وئریر کی، بو باره‌ده مطبوعات شوراسینین بیاناتین‌دا دئییلیر.

مطبوعات شوراسی بو کیمی حاللاری آذربایجانلا روسیا آراسین‌داکی ایکی طرف‌لی مناسبتلرین روحونا، همچینین مئدیا علاقه‌لرینه تمامیله ضد حساب ائدیر.

«آیریجا قید ائتمک ایستردیک کی، آذربایجان مئدیاسی همیشه قونشو اؤلکه‌لر، او جمله‌دن روسیا ایله باغلی مسئله‌لره حساس مناسبتیله سئچیلیب، پئشه پرینسیپلریندن کنار فکر و ادعالارا یئر وئرمه‌ییب.

بونا گؤره ده روسیانین اینفورماسییا موستویسین‌ده بئله خوشاگلمز حاللارین یاشانماسی آذربایجان اجتماعیتین‌ده درین تأسف و اساس‌لی ناراضی‌لیق دوغورماقدادیر»، - بیانات‌دا بیلدیریلیب.

آذربایجان مطبوعات شوراسی باش وئره‌ن حاللاری قطعیتله پیسله‌ییب. شورا، عینی زمان‌دا، روسیانین مئدیا اجتمایتینه، بوتؤولوک‌ده جمعیتینه مراجعت ائد‌رک، آذربایجان-روسیا مئدیا علاقه‌لرینی، عموماً خالقلار آراسیندا دوستلوق مناسبتلرینی پوزماغا یؤنلمیش حاللارلا باغلی جدی تدبیر گؤرولمه‌سینه چاغیریب.

مطبوعات شوراسی بیر داها بیان ائدیب کی، آذربایجان دولتینه، خالقینا و اونون گؤرکملی نماینده‌لرینه قارشی تحقیرآمیز فکرلر و تهدید کاراکترلی ادعالار یولوئریلمزدیر.

«روسیا اینفورماسییا مکانینین سرت قانون وئریجی‌لیک تنظیمله‌نمه‌سی شرایطینده بئله ماتریاللارین سیستم‌لی شکیل‌ده اورتایا چیخماسی روسیا فدراسییاسینین دولت سیاستی سویه‌سین‌ده اونلارین تصدیقینه برابردیر.

مطبوعات شوراسی بئله ایفاده‌لره یول وئره‌ن شخصلره حقوقی مسئولیت داشیدیقلارینی بیر داها خاطرلادیر»، - بیانات‌دا قید اولونوب.