روسیا مدیاسین‌دا آذربایجانلا باغلی سسلندیریلن فکرلر باکی طرفیندن دقتله ایزلنیلیر.

Axar.az خبر وئریر کی، بونو روسیالی ژورنالیست و رادیو آپاریجی‌سی آرمن گاسپاریان «سولوویوو لایو» پروگرامینین افیرین‌ده دئییب.

«من دفعه‌لرله دئمیشم کی، اجتماعی-سیاسی مکان‌داکی بلوگرلریمیز هئچ اولماسا بعضا سؤزلرینین نئجه شرح اولوناجاغی باره‌ده دوشونملیدیرلر. آذربایجان حاضردا ائله ده دوست دولت دئییل، بونو هله اوستو اؤرتولو و احتیاط‌لی شکیل‌ده دئییرم. بلوگرلریمیز بو جور بیاناتلار وئررکن باشا دوشملی ایدیلر کی، سؤیلدیکلری سؤزلر گئج-تئز باکی‌یا چاتاجاق و نتیجه‌ده یئنی‌دن بین‌الخالق قالماقالا سبب اولاجاق. روسیا اینفورماسیا مکانین‌دا سسلندیریلن بعضی فکرلر ایکی اؤلکه آراسیندا دیپلماتیک گرگینلییه سبب اولا بیلر»، - گاسپاریان بیلدیریب.