ریگادا کئچیریلن بیزنئس فورومونون اساس قایه‌سی یئنی یاتیریملارین آذربایجانا جلب اولونماسی‌دیر.

بو سؤزلری آخار. آذ-آ آچیقلاماسین‌دا اقتصادچی ناطیق جعفرلی سؤیله‌ییب. او، بالتیکیانی اؤلکه‌لره معین ساحه‌لرده جدی ایخراجات پوتنسیالیمیزین اولدوغونو قئید ائدیب:

«آذربایجانین بالتیکیانی اؤلکه‌لره کند تصروفاتی محصوللاریندان توتموش نفت-کیمیا ساحه‌سینه قدر، ایخراجات پوتنسیالی وار. اما بونون حیاتا کئچیریلمه‌سی اوچون علاوه تدبیرلر گؤرولمه‌لی‌دیر. شیمال-جنوب دمیریول لاییحه‌سی ایشه دوشمه‌لی‌دیر. بو لاییحه‌ده ایرانین لیمان شهرلرین‌دن بالتیکیانی اؤلکه‌لرین لیمان شهرلرینه قدر دمیریول ختتی چکیله‌جک. روسییا- اوکراینا، یا دا بئلاروس-اوکراینا اراضی‌سین‌دن کئچمکله بو لاییحه حیاتا کئچیریله‌جک. دمیریول حاضر اولدوق‌دان سونرا تیجارت علاقه‌لرینین گوجلندیریلمه‌سی اوچون یوللار آختاریلیر. آذربایجانین اساس ایخراجات محصوللاری نئفت، نئفت محصوللاری و قازدیر. بو ساحه‌ده ایسه بالتیکیانی اؤلکه‌لر بیزیم موشتریلریمیز دئییل، اونا گؤره تیجارت دؤورییه‌سی آشاغی سوییه‌ده‌دیر».

اقتصادچی سؤزوگئ‌دن مسئله‌ده ماراقلاریمیزین اساساً نلره یؤنلدیلمه‌سینی بئله شرح ائدیب:

«بیزیم بو مسئله‌ده ماراغیمیز بئله‌دیر کی، بالتیکیانی اؤلکه‌لردن آذربایجانا حاضر محصوللار دئییل، یئنی تئخنولوگییالار و یاتیریملار گل‌سین. بو فورومون اساس قایه‌سی یئنی یاتیریملارین آذربایجانا جلب اولونماسی‌دیر. چونکی تئخنولوژی اولاراق بالتیکیانی اؤلکه‌لر اوستون دورومدادیرلار و یئنی تئخنولوگییالار، یئنی یاتیریملارلا آذربایجانا گلمه‌لری اؤلکه‌میزده یئنی ایش یئرلرینین یارانماسینا، ایستئهسال ساحه‌لرینین آرتماسینا سبب اولاجاق. دوشونوره‌م کی، بالتیکیانی اؤلکه‌لر ایله آذربایجان آراسین‌دا بئله فوروملارین، کونتاکتلارین اولماسی چوخ یاخشی حال‌دیر. همین اؤلکه‌لر آوروپا بیرلیینه داخیل اولدوغو اوچون بئله فوروملار آذربایجان و آوروپا بیرلیگی آراسین‌دا موناسیبتلرین مؤهکه‌مله‌نمه‌سینه، گئنیشله‌نمه‌سینه ده خیدمت ائدیر».

ائکسپئرت آذربایجانین لاتوییا، ائل‌جه ده دیگر بالتیکیانی اؤلکه‌لرله داها سیخ علاقه‌لرینین فای‌دالارینی وورغولاییب:

«آذربایجان‌دان اساساً آقرار سئکتور و نئفت-کیمیا محصوللاری ایخراج ائدیله بیلر. نئفت‌دن آلینان محصوللاردان معین یاغلارین، مازوت و عضوی کیمیادان آلینان محصوللارین ایخراجاتی اولا بیلر.

بالتیکیانی اؤلکه‌لردن آرتیق آذربایجانا کند تصروفاتی محصوللارینین بعضیلری ایخراج ائدیلیر. سود محصوللارین‌دان توتموش ات محصوللارینا قدر ایخراجات وار. اما بیز همین محصوللارین اؤز اؤلکه‌میزده ایستئهسالینا چالیشیریق. بو، هم اوجوز باشا گلر، هم ده یئنی تئخنولوگییالار اؤلکه‌میزه گتیریله‌رک یئنی ایش یئرلرینین یارانماسینا سبب اولار».

قئید ائدک کی، آذربایجان پرئزیدئنتی ایلهام الیئو ایولون ۱۷-ده ریقادا لاتوییا-آذربایجان بیزنئس فورومون‌دا ایشتیراک ائدیب.