آذربایجان و ایران همیشه دوست اولاراق قالاجاق.

آپا-نین معلوماتینا گؤره، بونو ایران پارلامئنتینین صدری علی لاریجانی بو اؤلکه‌ده سفرده اولان آذربایجانین ناخچیوان موختار رسپوبلیکاسی عالی مجلیسینین صدری واصیف طالیبوولا گؤروشده دئییب.

لاریجانی بیلدیریب کی، آذربایجان و ایران آراسینداکی علاقه‌لرین قدیم تاریخی وار و بو ایکی اؤلکه همیشه دوست و بیر-بیرینه دایاق اولاجاق:

«ایران ایسلام رسپوبلیکاسی آذربایجان رسپوبلیکاسی ایله دوستلوغوندا ثابیت قدم‌دیر. ایکی اؤلکه‌نین مدنی یاخینلیغی وار و بو، اقتصادی-سیاسی علاقه‌لرین ده اینکیشاف ائتدیریلمه‌سینین ضروریلیگی اوچون محکه‌م بیر تمل‌دیر. رئگیون‌داکی مؤوجود دوروم و قئیری-ثابت‌لیک ایکی اؤلکه‌نین سیاسی و تهلوکه‌سیزلیک ساحه‌سین‌ده علاقه‌لری اینکیشاف ائتدیرمه‌سینی زروری ائدیر».

ا. لاریجانی ایران و آذربایجان آراسیندا خزر دنیزین‌ده امکداشلیغین ضروریلیینی وورغولاییب:

«بو ساحه‌ده ایکی اؤلکه‌نین پرزیدنتلری آراسیندا چوخ یاخشی دانیشیقلار اولوب. اومید ائدیریک کی، خزر دنیزی سوله، ثابت‌لیک و گئنیش امکداش‌لیق اوچون پلاتفورمایا چئوریله‌جک».

واصیف طالیبوو ایسه آذربایجان و ایران آراسیندا علاقه‌لرین دوستلوق و قارداشلیق اوزرین‌ده قورولدوغونو، بو دوستلوغون دای‌می اولدوغونو بیان ائدیب. او، علاقه‌لرین اینکیشافیندا هر ایکی اؤلکه پارلامنتلرینین دوستلوق قروپلارینین رولون‌دان دانیشیب و بیلدیریب کی، دوستلوق قروپلاری ایندیدک گئنیش فعالیت گؤستریب.

و. طالیبوو اقتصادی-تیجاری علاقه‌لرین گئنیشلندیریلمه‌سینین واجیبلیینی قئید ائدیب.