یاخین شرق‌ده حربی-سیاسی، عینی زاماندا گئوسییاسی اوستونلوک قازانماق ایسته‌یه‌ن ایران شیمالدا داها چوخ اقتصادی-تیجارت لاییحه‌لری ایله اؤز تأثیرینی آرتیرماغا چالیشیر و ارمنیستان بورادا روسییانین سیاسی فورپوستو اولدوغو کیمی، ایرانین دا اقتصادی-تیجارت فورپوستونا چئوریلمکده‌دیر.

بو سؤزلری آخار. آذ-آ آچیقلاماسین‌دا پولیتولوگ نزاکت ممدووا دئییب. او بیلدیریب کی، ارمنیستان و ایران سرحدینده آزاد اقتصادی زونا یارادیلماسی هم اوزونموددتلی سانکسییالاردان خلاص اولان ایران، هم ارمنیستان اوچون موهوم لاییحه‌دیر:

«آوراسییا اقتصادی بیرلیینین گؤمروک مجلله‌سینده ۷ آزاد اقتصادی زونا یارادیلماسی نظرده توتولور کی، بونلاردان بیری آرتیق ارمنیستانا وئریلدی. طبیعی کی، ایران بو لاییحه ایله آوراسییا اقتصادی بیرلیگی زوناسینا داخیل اولماق، عینی زاماندا، آوروپا، روسییا و چین شیرکتلرینی اؤز سرحدینه گتیرمک ایستییر. دوغرودور، حاضردا لاییحه‌یه ۱۰-آ یاخین چین، روسییا و ارمنیستان شیرکتینین ماراق گؤستردیی دئییلیر. لاکین ارمنیستانلا آوروپا بیرلیگی آراسیندا ایمتیازلی تیجارت رژیمی وار و ایران بوندان ایستیفاده ائتمه‌یه چالیشیر».

پولیتولوگ قئید ائدیب کی، ایران-ارمنیستان تیجارت دؤورییه‌سی جمعی ۳۰۰ میلیون دوللار تشکیل ائدیر:

«اونون دا اساس حیصه‌سی نقد والیوتا و خام ماللا یوخ، بارتر یولو ایله حیاتا کئچیریلیر. یعنی، ارمنیستان ایراندان آلدیغی گازین عوضینده اونا الکتریک انرژیسی وئریر. اودور کی، بو لاییحه‌دن ایرانین الده ائدجیی اوستونلوک داها چوخ اولاجاق. ارمنیستان ایران اوچون ساده‌جه ترانزیت اؤلکه، خام مال و ساتیش بازاری رولوندا اولان بیر اؤلکه‌دیر».

پولیتولوگ وورغولاییب کی، ایران بؤلگه‌ده غیری-آردیجیل آددیملار آتیر:

«هم شیمال-جنوب لاییحه‌سی باره‌ده روسییا و آذربایجانلا دانیشیقلار آپاریر، باکی-تیفلیس-قارص دمیریول لاییحه‌سینه قوشولماق ایستییر، عینی زاماندا ارمنیستانلا سرحدده آزاد اقتصادی زونا یارادیلماسینا دستک وئریر».

قید ائدک کی، دکابرین ۱۵-ده ایران-ارمنیستان سرحددین‌ده مهری شهرینده آزاد اقتصادی زونانین (آیز) آچیلیشی اولوب.