«ارمنیستان میللی کنگرسی» پارتییاسی داغلیق قاراباغ موناقیشه‌سینین نیظاما سالینماسی ایله باغلی پارتییانین لیدری لوون تر-پطروسیانین اوولکی مؤوقعینی دستکلییر.

پوبلیکا. آذ خبر وئریر کی، بو باره‌ده پارتییانین مطبوعات کاتیبی آرمان موسینیان دئییب.

اونون سؤزلرینه گؤره، «ارمنی میللی کنگرسی» تر-پطروسیانین ۲۰۱۶-جی ایلین ۱۷ دکابرین‌دا کئچیریلن پارتییا قورولتاییندا موناقیشه‌نین حلی ایله باغلی ایر‌لی سوردویو تکلیفی ان اونیکال واریانت حساب ائدیر.

قید ائدک کی، تر-پطروسیان قورولتایدا چیخیشی زامانی ارمنیستانین دوشدویو آجیناجاقلی وضعیتدن خلاص اولماسی اوچون قاراباغ موناقیشه‌سینین سرعتلی حلینین واجیب اولدوغونو آچیقلامیشدی.

«تهلوکسیزلیین تعمینی، اقتصادی اینکیشاف و ارمنیستاندا دموگرافیک وضعیتی یاخشیلاشدیرماق اوچون قاراباغ موناقیشه‌سی حل اولونمالی، ائلجه ده تورکییه ایله موناسیبتلر نورماللاشمالیدیر. دانیشیقلار ماساسیندا فاکتیکی اولاراق ۱۹۹۷-جی ایلدکی گذشتلی نیظاما سالینما واریانتی مؤوجوددور. اگر بیز او زامان بونا نایل اولسایدیق، بو ایللر عرضینده چکدییمیز عذابلار و ایتکیلرله قارشیلاشمازدیق. حیفسلنیرم کی، منیم بعضی همکارلاریم بو ساده حقیقتلری واختیندا باشا دوشمه‌دیلر و بیز موناقیشه‌نین حلی اوچون ان الوئریشلی آنی ایتیردیک»، - دئیه پطروسیان قید ائتمیشدی.