باش ناظرین معاوینی، یئنی آذربایجان پارتییاسینین صدر معاوینی-ایجرا کاتیبی علی احمدوو ارمنیستانین یئنی باش ناظری نیکول پاشینیانین فیکیرلرینه موناسیبت بیلدیریب.

آپا-نین معلوماتینا گؤره، ا. احمدوو دئییب کی، ن. پاشینیانین آذربایجانلا باغلی دئدیکلری نینکی رسمی باکی، دونیا بیرلیگی طرفیندن ده پیسلنه‌جک.

احمدوو بیلدیریب کی، اونسوز دا داغلیق قاراباغ موناقیشه‌سینین مؤوجود اولماسی جنوبی قفقازدا صولح و ثابتلییه جدی مانعه‌دیر: «پاشینیانین رئاللیغا اویغون اولمایان، گرگینلیین آرتماسینا سبب اولاجاق بیاناتلار وئرمه‌سی ارمنیستانین اؤزونه زیان ووراجاق. سیز گؤرورسونوز، هم ارمنیستان‌دا، هم ده آذربایجان‌دا پرزیدنت سئچکیلری اولدو. آذربایجاندا سئچکیلردن سونراکی آب-هاوا اوندان عبارتدیر کی، اینسانلار ایشلییر، فعال‌لیق گؤستریر، استراحت گونونده آغاج اکیر، اقتدارلا بیرلیک و سئچکیلرین نتیجه‌لرینه اینام نوماییش ائتدیریرلر. بو، آذربایجانین رئاللیغی‌دیر. بیر ده وار ارمنیستان رئاللیغی - ناراضی‌لیق، نیگارانچی‌لیق، قارشیدورمالار و سایر. نه قدر کی ارمنیستان آذرباجانین ایشغال آلتینداکی تورپاقلارینی آزاد ائتمک فیکرین‌دن اوزاق اولاجاق، سرسه‌م بیاناتلار سسله‌ن‌دیره‌جک، بیر او قدر ده ارمنیستان‌دا وضعیت گرگین اولاراق قالاجاق. ارمنیستان دالانا دیرنمیش بیر وضعیت‌ده‌دیر، اقتصادی جهتدن اینکیشاف ائتمک پوتنسیالی یوخ‌دور. موناقیشه‌نین نیظاما سالینماسی داها چوخ ارمنیستانین منافعیینه اویغون گلردی، اونلارین وضعیتینین دوزلمه‌سینه سبب اولا بیلردی. اگر بو گرگینلیکدن سونرا حاکمیته گلمیش قوه گرگینلیین اساس سببی اولان موناقیشه‌نین عدالت‌لی شکیلده نیظاملانماسینین ضروریلیینی درک ائده بیلمیرسه، حساب ائدیره‌م کی، بو، اونون فاجعه‌سینین باشلانغیجی‌دیر. اگر بئله داوام ائتسه، گومان ائدیره‌م کی، چوخ یاخین زامانلاردا خالق یئنی‌دن کوچه‌لره آخیشیب حاکمیتین دییشدیریلمه‌سینی طلب ائد‌جک".

قید ائدک کی، ن. پاشینیان باش ناظر سئچیلدیک‌دن سونرا ایشغال اولونموش آذربایجان اراضیلرینه سفر ائدیب. او، داغلیق قاراباغ سپاراتچیلارینین دانیشیقلاردا طرف کیمی ایشتیراکینین ضروریلیینی وورغولاییب. ن. پاشینیان داغلیق قاراباغین بین الخالق عالم طرفیندن موستقیل دؤولت کیمی تانینماسی اوچون سی گؤسترجیینی ده وورغولاییب.