آپرئلین ۲۵-دا پکین‌ده کئچیریلن «بیر کمر، بیر یول» بین الخالق امکداش‌لیق فورومون‌دا ارمنیستانین باش ناظری نیکول پاشینیانین ایشتیراک ائتمه‌مه‌سی اونو تنقید هدفینه چئویریب.

ارمنیستانین «آرمنیا رئپورت» سایتی یازیر کی، مخالیفت‌ده اولان پاشینیان میتینقلرده سرکیسیان اقتدارینی تنقید ائد‌رک یانلیش سیاست اوجباتین‌دان اؤلکه‌نین انرژی، نقلیات و اقتصادی بلوکادا وضعیتینه دوشدویونو بیلدیریردی. حالبوکی، ارمنیستان آسییا ایله آوروپا آراسین‌دا ترانزیت رولونو اوینایا و دؤولت بودجه‌سینه والیوتا آخینینی تعمین ائدر. ایندی پاشینیان آرتیق مخالیفت لیدری دئییل، اؤلکه‌نین باش ناظری‌دیر. بئله اولان حال‌دا او دئدیی سؤزلرین و وئردیی وعدلرین حیاتا کئچمه‌سی اوچون نیه هئچ بیر ایش گؤرمور؟

مؤلف تئووس آرشاکیان یازیر کی، پکین‌ده کئچیریله‌ن تدبیرده آذربایجان، گورجوستان و روسییا یوکسک سوییه‌ده تمثیل اولوندو. دونیانین ۶۰-دان چوخ اؤلکه‌سینین ایشتیراک ائتدیی فوروم‌دا تیجارت و نقلیات دهلیزلرینین یارادیلماسی، ترانزیت یوکلرین داشینماسی و سایر بو کیمی مسئله‌لر موذاکیره ائدیلیب. فوروم چرچیوه‌سین‌ده عمومی دیری ۶۴ میلیارد دلار اولان ۲۸۳ موقاویله ایمضالانیب. آذربایجان و گورجوستان دا بو موقاویله‌لرده ایشتیراک ائد‌رک اؤز اقتصادی وضعیتلرینی داها دا یاخشیلاشدیرماغا چالیشدیلار. لاکین ارمنیستانی بو تدبیرده طبیعتی محافظه ناظری ایله تمثیل اولوندو و چین ایله ائکولوگییانین محافظه‌سی ساحه‌سین‌ده امکداشلیق حاقین‌دا پروتوکول ایمضالادی. مؤلف ایرونیک طرزده سوال قویور: گؤره‌سن طبیعتین محافظه ناظری ائریک گریگوریانین ائکولوگییانین محافظه‌سینه دایر ایمضالادیغی سند ارمنیستان اقتصادیاتینین دیرچلمه‌سینه نئجه تأثیر گؤستره‌جک؟

یازی‌دا نظره چاتدیریلیب کی، پاشینیانین باشی داها چوخ حاکمیتینی محکه‌ملندیرمه‌یه قاریشیب. اؤلکه‌نین پروبلملرینه ایسه نه اینکی ایکینجی، هئچ اوچونجو درجه‌لی مسئله کیمی ده باخیلمیر.