آنا صحیفه گوندم |
تورک دیللی اؤلکهلرین چوخونون بیر اتفاقا داخیل اولماسینا باخمایاراق، اونلارین هر بیرینین بو و یا دیگر مسئلهلره موکمل سیاسی باخیشلاری اولا بیلر. بونا گؤره ده اونلارین بعضیلری تورکییهنی دستکلهیه، بعضیلری بونون عکسینی ائده بیلر، بعضیلری ایسه عمومیتله نیترال مؤقع توتا بیلر. چوخ گومان کی، رسمی نور-سلطان محض اوچونجو واریانتی سئچهجک.
بو سؤزلری آخار. آذ-آ آچیقلاماسیندا قازاخیستانلی پولیتولوق دوسیم ساتپایئو دئییب. اونون سؤزلرینه گؤره، بو، قازاخیستانین رسمی سوییهده هئچ کیمله قارشیدورمایا گیرمهدن، فرقلی سیاسی ایشتیراکچیلارلا قارشیلیقلی علاقه ضرورتینه اساسلانان چوخ یؤنلو خاریجی سیاستینین اولماسی ایله علاقداردیر.
«بیر طرفدن تورکییه قازاخیستان اوچون واجیب ایستراتژی طرفداشدیر، دیگر طرفدن ایسه اگر قازاخیستانین خاریجی سیاست دوکتریناسینا باخساق، اؤلکهنین ۳ اساس طرفداشی سیاهیسیندا روسییا، آمریکا و چینین آدینی گؤرمک مومکوندور. آیدیندیر کی، آمریکانین تورکییهنین سورییاداکی حربی عملیاتلاری ایله باغلی مؤوقعیی کیفایت قدر منفیدیر، قازاخیستان ایسه دؤولت سوییهسینده طرفلردن بیرینی دستکلهیهرک بو و یا دیگر مناقیشهیه داخیل اولماقدان همیشه قاچماغا چالیشیب. اودور کی، قازاخیستان سورییاداکی عملیاتلاری ایله باغلی تورکییهنی آچیق شکیلده دستکلهمهیهجک»، - اکسپئرت بیلدیریب.
اکسپئرت قید ائدیب کی، قازاخیستاندا هر کس آنکارانین سورییاداکی عملیاتلارینین ایلک نؤوبهده تورکییهنین تهلوکسیزلیینین تعمین ائدیلمهسی اوچون کئچیریلدیینی چوخ گؤزل باشا دوشور.
«دئمک اولار کی، بوتون تورک دونیاسی اؤلکهلری سورییادا ترور قروپلاشمالارینین تمامیله نیتراللاشدیریلماسیندا ماراقلیدیر. بو سببدن بوتون تورک دؤولتلری تورکییهنی دستکلهیهجک: کیمسه رسمی قایدادا، کیمسه گیزلی. دوشونورهم کی، حتی قازاخیستانین حاضیرکی پرزیدنتیندن رسمی قایدادا دستک ائشیتمسک ده، قازاخ خالقینین لیدری نورسولطان نازاربایئو بونو ائده بیلر»، - ساتپایئو بیلدیریب.
تاریخ
2019.10.17 / 09:20
|
مولف
Axar.az
|